زەرتحانالاردىڭ اشىلۋىنا ۋنيۆەرسيتەتتىڭ ديرەكتورلار كەڭەسىنىڭ توراعاسى ومارحان وكسىكباەۆ, QyzPU باسقارما توراعاسى-رەكتورى گۇلميرا قاناي, مەكتەپ ديرەكتورلارى مەن وقىتۋشى-پروفەسسورلار قاتىستى.
«مۇعالىم ساپالى ءبىلىم بەرۋى ءۇشىن ءبىلىمى دە, بىلىگى دە جوعارى بولۋى كەرەك. بۇگىنگى تاڭدا مەكتەپتەردىڭ تەحنيكالىق جابدىقتالۋىنا ايتارلىقتاي كوڭىل ءبولىنىپ جاتىر. سوعان سايكەس ستۋدەنتتەر, بولاشاق ماماندار سول دەڭگەيگە ساي جۇمىس ىستەي ءبىلۋى ءتيىس. ءبىلىمدى مۇعالىم ساپالى كادر دايارلاي الاتىن بولسا, ونىڭ ناتيجەسى ەل ەكونوميكاسىنان كورىنىس بەرەتىنى ءسوزسىز. مىنە, وسىنى ەسكەرىپ, زەرتحانالاردى بارلىق پاندەرگە قاتىستى جاڭارتۋدى ماقسات ەتتىك. ۋنيۆەرسيتەت وقىتۋشىلارى مەن ستۋدەنتتەرىنە زور سەنىم ارتا وتىرىپ, جۇمىستارىنىڭ تياناقتى بولعانىن تىلەيمىن», دەدى ديرەكتورلار كەڭەسىنىڭ توراعاسى ومارحان وكسىكباەۆ.
فيزيكا-ماتەماتيكا جانە تسيفرلىق تەحنولوگيالار ينستيتۋتى فيزيكا كافەدراسىندا 6 زەرتحاناسىنىڭ اشىلۋى ۋنيۆەرسيتەتتىڭ عىلىمي جۇمىسىن جاڭا دەڭگەيگە كوتەرۋگە مۇمكىندىك بەرەدى.
PASCO قۇرالدارىمەن جابدىقتالعان «ينتەراكتيۆتى سىنىپ» زەرتحاناسى – فيزيكانىڭ جالپى كۋرسىن تەرەڭدەتىپ وقىتۋعا ارنالعان. مۇندا ستۋدەنتتەرگە فيزيكالىق زاڭدىلىقتاردى تۇسىنۋگە كومەكتەسىپ, عىلىمي ويلاۋ قابىلەتىن شىڭداۋعا ىقپال ەتەدى.
PHYWE قۇرالدارىمەن جابدىقتالعان «ينتەراكتيۆتى سىنىپ» زەرتحاناسى – فيزيكانىڭ جالپى كۋرسىن تەرەڭدەتىپ وقىتۋعا ارنالعان, سونداي-اق فيزيكا بويىنشا دەمونستراتسيالىق ەكسپەريمەنتتەر مەن فرونتالدى زەرتحانالىق جۇمىستاردى جۇرگىزۋ تەحنيكاسىن مەڭگەرۋگە مۇمكىندىك بەرەدى.
ەلەكتر جانە ماگنەتيزم زەرتحاناسى – ەلەكتروماگنيتتىك قۇبىلىستاردى زەرتتەۋگە ارنالعان. بۇل زەرتحانا ستۋدەنتتەرگە ەلەكتر تىزبەگىن قۇراستىرۋ مەن دۇرىس پايدالانۋ ارقىلى فيزيكالىق پرينتسيپتەردى ءتۇسىنۋدى ۇيرەتەدى.
وپتيكا زەرتحاناسى – جارىقتىڭ تابيعاتىن, تارالۋىن جانە ونىڭ زاتپەن اسەرلەسۋ قۇبىلىستارىن زەرتتەيدى.
مولەكۋلالىق فيزيكا جانە تەرموديناميكا زەرتحاناسى – مولەكۋلالىق فيزيكا مەن تەرموديناميكا تەوريالارىن زەرتتەۋ جانە مولەكۋلالاردىڭ قوزعالىسىن ءتۇسىنۋ ءۇشىن ارنالعان.
مەكتەپ فيزيكاسىنىڭ پاندىك زەرتحاناسى – بولاشاق فيزيكا مۇعالىمدەرىنە زەرتحانالىق جۇمىستار مەن ەكسپەريمەنتتەر جۇرگىزۋدىڭ تەحنيكاسىن ۇيرەتۋگە ارنالعان.
«ينفورماتيكا» كافەدراسىنىڭ پروفەسسورى, پەداگوگيكا عىلىمدارىنىڭ دوكتورى سەرىك كەڭەسباەۆ اتاپ وتكەندەي, قازىرگى ۋاقىتتا ستۋدەنتتەرگە جاڭارتىلعان فورماتتا, جاڭا باعدارلامالار بويىنشا ءدارىس بەرۋ قاجەتتىلىگى تۋىنداپ وتىر. وسىعان وراي, زاماناۋي قۇرالدارمەن جابدىقتالعان زەرتحانالار اشىلۋى ستۋدەنتتەگە زور مۇمكىندىك بەرەدى. وسى باعىتتا جۇمىس ىستەپ, فيزيكا ماماندىعىندا وقيتىن ستۋدەنتتەردىڭ جوعارى دەڭگەيدەگى بىلىكتى ماماندار بولىپ شىعادى.
فيزيكا-تەحنيكالىق ينستيتۋتىنىڭ عىلىمي-زەرتتەۋ قىزمەتى جونىندەگى ديرەكتور ورىنباسارى, PhD نيكولاي چۋچۆاگانىڭ ايتۋىنشا, جاڭا زەرتحانالاردىڭ ستۋدەنتتەرگە عانا ەمەس, وقىتۋشىلارعا دا جاڭا مۇمكىندىكتەر اشاتىنى انىق. وسى ورايدا فيزيكا مامان ستۋدەنتتەرگە قاراپ جاڭا زەرتحانالىق جۇمىستاردى جالعاستىرۋعا ىقىلاسىنىڭ زور ەكەنىن اتاپ ءوتتى. اسىرەسە, ىرگەلى زەرتتەۋلەرگە, سونداي-اق وپتيكا, ماگنەتيزم جانە اتومدىق فيزيكا سالاسىنداعى ماڭىزدى ەكسپەريمەنتتەرگە ەرەكشە نازار اۋدارعان وقىتۋشى ستۋدەنتتەردىڭ زاماناۋي فيزيكامەن العاش تانىستىعى وسىنداي زاماناۋي زەرتحانالاردان باستاۋ الاتىنى قۋانتادى. ال جاراتىلىستانۋ جانە فيزيكا عىلىمىنا ماماندانعان مۇعالىم ماماندىعى – وتە قاجەتتى ءارى اسا ماڭىزدى ماماندىقتىڭ ءبىرى.
فيزيكا ءبىلىم بەرۋ باعدارلامالارى اياسىندا اشىلعان زاماناۋي زەرتحانالار ستۋدەنتتەردىڭ تەوريالىق ءبىلىمىن تەرەڭدەتىپ قانا قويماي, عىلىمي ىزدەنىستەرگە جارقىن جول اشاتىنى انىق.
