«ءبىز جەتىنشى رەت «بيزنەستەگى ايەلدەر» باعدارلاماسى اياسىندا 1 ملرد تەڭگە بولدىك. بۇل قارجىلاندىرۋ تەك قانا بانكتىڭ جەكە قاراجاتى ەسەبىنەن جۇرگىزىلەدى», دەدى ءۇمىت بولاتحانقىزى.
ونىڭ ايتۋىنشا, بۇدان باسقا, Halyk Bank Visa - She's Next بىرلەسكەن جوباسىنا قاتىسادى. بۇل ايەلدەردى وقىتۋمەن اينالىساتىن جەكە باعدارلاما.
«ولاردى بيزنەس جۇرگىزۋگە ۇيرەتىپ, نەسيەلەر ەمەس, گرانتتار بولەمىز» دەيدى Halyk Bank باسشىسى.
سونىمەن قاتار, Halyk Bank باسشىسى اعىمداعى جىلى قازاقستاندىق كاسىپكەرلەردى قانداي سىن-قاتەرلەر كۇتىپ تۇرعانىنا جەكە توقتالدى.
«ءبىز سالىق سالۋ بويىنشا بەلسەندى تالقىلاۋلار ءجۇرىپ جاتىرعانىن كورىپ وتىرمىز جانە ەلدە ينفلياتسيانىڭ ءوسۋى بايقالىپ وتىر, ول بازالىق مولشەرلەمەنىڭ وسۋىنە الىپ كەلۋى مۇمكىن. تيىسىنشە, بۇل بانكتەر تاراپىنان قورلاندىرۋ مەن كرەديتتەۋ قۇنىنىڭ وسۋىنە ىقپال ەتەدى. وسىلايشا, حالىقتىڭ ساتىپ الۋ قابىلەتى تومەندەيتىن بولادى. بۇل دەگەنىڭىز تاۋارلاردىڭ نەعۇرلىم قىمبات سەگمەنتىنەن ورتا نەمەسە, ايتالىق, ەكونوم-دەڭگەيگە قايتا قۇرىلۋ كەرەك دەگەندى بىلدىرەدى» دەدى ول.
ءۇ.شاياحمەتوۆا پاندەميا كەزىندەگى جانە رەسەي-ۋكراينا قاقتىعىسى باستالعاننان كەيىنگى لوگيستيكالىق تىزبەكتەگى وزگەرىستەرگە نازار اۋدارىپ, بيزنەسكە ءوز باعىتتارىن, سونىڭ ىشىندە جەتكىزۋ, ساۋدا سەرىكتەستەرى مەن ماگيسترالدار بويىنشا قايتا قۇرۋ تۋرالى ءوز ۇسىنىستارىمەن ءبولىستى.
ەسكە سالايىق, Halyk Bank ەكونوميكانىڭ ناقتى سەكتورىن بەلسەندى تۇردە نەسيەلەندىرەدى. ونىڭ پورتفەلىندەگى قارىزداردىڭ 50% -دان استامى زاڭدى تۇلعالارعا تيەسىلى. بۇل نەسيەلەر ەكونوميكانىڭ بارلىق سەگمەنتتەرiنە, سونىڭ iشiندە ونەركاسiپ, بايلانىس, ساۋدا, اۋىل شارۋاشىلىعى جانە باسقالارىنا بەرiلگەن.
