دەپۋتاتتىڭ جازۋىنشا, كاسپي قۇبىر كونسورتسيۋمىنا ۋكرايندىق دروندار اشىق شابۋىلدادى. بۇل بومبالاۋدى ۋكراينانىڭ قارۋلى كۇشتەرى راستادى. دەگەنمەن, اتقىلاۋدىڭ سەبەبى بويىنشا ولاردىڭ پوزيتسياسى انىق ەمەس.
«نە ءۇشىن, نەگە؟» دەگەن سۇراقتارعا ناقتى ساياسي جاۋاپ الۋىمىز كەرەك. ويتكەنى, بۇل ستراتەگيالىق قۇبىر ارقىلى قازاقستاندىق مۇناي تاسىمالداناتىنى بارلىعىنا ءمالىم. ياعني, بۇل قارۋلى شابۋىلدى ءىرى حالىقارالىق جوباعا جاسالعان قيانات دەپ باعالاۋعا بولادى. ودان قالسا, ءبىزدىڭ ەلىمىزدەگى وندىرىلەتىن مۇنايدا اقش, ەۋروپا مەملەكەتتەرىمەن ورتاقتاسقان ءىرى ترانسۇلتتىق كومپانيالاردىڭ ۇلەسى بار ەكەنى انىق. ەڭ باستىسى اقش, ەۋروپا مەن قازاقستان ءاردايىم وسى سوعىستىڭ بەيبىت اياقتالۋى ءۇشىن ءوزىنىڭ تىكەلەي ساياسي كوزقاراسىن ءبىلدىرىپ ءجۇر. ناقتىلاساق, قازاقستان بۇل ارنايى اسكەري وپەراتسيانى باسىنان باستاپ قولداماعان جانە پوزيتسياسىن اشىق جاريالادى. رەسەيدى سوعىستى توقتاتۋعا دا شاقىردى. بارلىق تاراپتارعا ارنايى الاڭ بەرۋگە دايىن ەكەنىن اشىق جاريالاپ, شيەلەنىستىڭ بەيبىت تۇردە شەشىلۋىن جانە وعان بۇۇ-نىڭ ارالاسۋىن دا ۇسىندى. سوندىقتان, تەز ارادا اتالعان شابۋىلعا ۋكراينا بارلىق حالىقارالىق شارتتارعا سايكەس ساياسي جاۋاپ بەرۋى ءتيىس دەپ ويلايمىن. بۇل ماسەلەنى سىرتقى ىستەر مينيسترلىگى ءوز باقىلاۋىنا العانى ءجون», دەپ جازدى ول.
ايتا كەتەيىك, بۇعان دەيىن 17 اقپاندا كاسپي قۇبىر كونسورتسيۋمىنىڭ مۇناي تاسىمالداۋ نىسانى – «كروپوتكينسكايا» مۇناي ايداۋ ستانتسياسىنا ۇشقىشسىز ۇشۋ اپپاراتى شابۋىل جاساعان ەدى.
كومپانيا بۇل ارەكەتتى «تەرروريستىك شابۋىل» دەپ اتادى.
