قاشىقتان الاياقتىق جاساعان ەكى كۇدىكتىنى كيبەرپوليتسەيلەر «اnti-fraud» ءىس-شاراسى اياسىندا جۇرگىزىلگەن جەدەل-ىزدەستىرۋ جۇمىستارى بارىسىندا ۇستادى.
69 جاستاعى قالا تۇرعىنى الاياقتاردىڭ ارباۋىنا ءتۇسىپ قالادى. جابىرلەنۋشى الدىمەن «ۇيالى بايلانىس وپەراتورلارىنان» SIM-كارتاسىنىڭ مەرزىمى اياقتالعانى تۋرالى قوڭىراۋ قابىلداعانىن ايتتى.
مەرزىمدى ۇزارتۋ ءۇشىن ول SMS-كودتى بەرگەن. ءبىراز ۋاقىتتان كەيىن ازاماتشاعا «قۇقىق قورعاۋ ورگاندارىنان» حابارلاسىپ, شوتىندا كۇماندى وپەراتسيالار باستالعانىن جانە الدىڭعى قوڭىراۋ شالعاندار الاياقتار ەكەنىن جەتكىزگەن.
زەينەتكەر قاسكويدىڭ نۇسقاۋىمەن شوتىنداعى بار اقشانى شەشىپ الىپ, جيناپ تەرگەنىن ساقتاپ قالۋ ءۇشىن «سەنىمدى قولعا» ۋاقىتشا تاپسىرعان. ىشىندە 46 ملن تەڭگە بار پاكەتتى جالعان قۇقىق قورعاۋشىلار اۋلاداعى ورىندىقتان الىپ كەتكەن.
قازىرگى تاڭدا اتالعان جايت بويىنشا تەرگەۋ جۇرگىزىلىپ جاتىر. كۇدىكتىلەر قاماۋعا الىندى. شىمكەنت پد كيبەرپول باستىعىنىڭ ورىنباسارى شىڭعىس جايلاۋبەكتىڭ ايتۋىنشا, بۇل قاشىقتان جاسالاتىن الاياقتىقتىڭ كەڭ تارالعان سحەمالارىنىڭ ءبىرى.
