«قازىرگى تاڭدا الماتىدا 45 مىڭ بەينەباقىلاۋ كامەراسى جۇمىس ىستەپ تۇر. كەلەسى جىلى ولاردىڭ سانى 70 مىڭعا جەتەدى. بۇل قالاداعى قوعامدىق قاۋىپسىزدىكتى باقىلاۋ تيىمدىلىگىن ايتارلىقتاي جاقسارتادى», دەيدى سپيكەر.
قالالىق بەينەمونيتورينگ جۇيەسى حالىق كوپ شوعىرلانعان ورىنداردى انىقتاپ قانا قويماي, ادامداردىڭ ارەكەتىن, توبەلەستەر مەن كۇدىكتى زاتتاردى تىركەيدى, قوعامدىق ورىنداردا قارۋدى تانىپ, قوعامدىق ءتارتىپ بۇزۋشىلىقتاردى, ءورت پەن ءتۇتىندى انىقتاي الادى.
«كەلەسى جىلى ءبىز جاڭا بەيناباقىلاۋدىڭ جاڭا مۇمكىندىكتەرىن ەنگىزۋدى جوسپارلاپ وتىرمىز. ونىڭ ىشىندە: زاڭسىز قوقىس ۇيىندىلەرىن انىقتاۋ, قوعامدىق كولىكتەردى باقىلاۋ مەن قاڭعىباس ءۇي حايۋاناتتارىن انىقتاۋ جۇيەلەرى بار», دەدى ديۋسيۋكوۆ.
تاعى ءبىر ماڭىزدى باستاما – Cell Broadcast تەحنولوگياسىن قولدانۋ ارقىلى جەدەل ەسكەرتۋ جۇيەسىنىڭ ەنگىزىلۋى.
بۇل تەحنولوگيا ءموبيلدى جەلىلەرگە شامادان تىس جۇكتەمە تۇسىرمەي, ازاماتتارعا شۇعىل حابارلامالاردى جىلدام جەتكىزۋگە مۇمكىندىك بەرەدى.
«سىناق بارىسىندا جۇيە ۇيالى وپەراتورلاردىڭ 47 مىڭ بازالىق ستانتسيا سەكتورلارىن وڭدەپ, ساتتىلىگى 99,6% حابار تاراتۋعا قول جەتكىزدى», دەدى ديۋسيۋكوۆ.
الماتى
