فوتو: liter.kz
ءوز كەزەگىندە «قازاقستاننىڭ اۆياتسيا اكىمشىلىگى» اق باس ديرەكتورى كاتالين رادۋ بايانداما جاسادى.
«AZAL اۋە كومپانياسى ۇشاعىنىڭ اپاتىنان كەيىن بەرگەن تاپسىرماڭىزعا سايكەس ءبىز استانا, پاۆلودار, الماتى, اقتاۋ, شىمكەنت, وسكەمەن اۋەجايلارىن تەكسەردىك. سونىمەن قاتار Air Astana, SCAT, Qazaq Air, FlyArystan سياقتى تۇراقتى اۋە تاسىمالداۋشىلارىنىڭ 71 ازاماتتىق اۋە كەمەسىنە پەرروندىق تەكسەرۋ جۇرگىزىلدى. 686 اۋە كومپانياسى ۇشقىشىنىڭ دايىندىعى مەن ۇشۋ الدىنداعى باقىلاۋىنا تالداۋ جاسالدى», دەدى كاتالين رادۋ.
سونداي-اق باس كولىك پروكۋراتۋراسىمەن بىرلەسىپ, اۆياتسيالىق قاۋىپسىزدىك ماسەلەلەرىن قوسا العاندا, ازاماتتىق اۆياتسيانىڭ نەگىزگى سۋبەكتىلەرىن جوسپاردان تىس تەكسەرۋ جالعاسىپ جاتىر. كولىك مينيسترلىگىنىڭ مالىمەتىنشە, ۇشۋ قاۋىپسىزدىگى دەڭگەيى 74%-دان 82%-عا دەيىن كوتەرىلگەن.
ەستەرىڭىزگە سالا كەتەيىك, پرەمەر-مينيستر ولجاس بەكتەنوۆ اقتاۋ قالاسىنىڭ ماڭىنداعى ۇشاق اپاتىنان كەيىن اۆياتسيالىق قاۋىپسىزدىكتى كۇشەيتۋ, ونىڭ ىشىندە جوسپاردان تىس تەكسەرۋ جۇرگىزۋ بويىنشا بىرقاتار تاپسىرما بەرگەن بولاتىن.
