فوتو: baribar.kz
جول-كولىك وقيعالارىنىڭ جيىلەۋىنە كولىك جۇرگىزۋشىلەرى مەن جاياۋ جۇرگىنشىلەردىڭ جولداعى جەكە تارتىپسىزدىگى ىقپال ەتكەن. سونداي-اق قارسى باعىتقا شىعىپ كەتۋ, جىلدامدىقتى شەكتەن تىس اسىرۋ, جاياۋ جۇرگىنشىلەرگە جول بەرمەۋ فاكتورلارى كوپ كەزدەسىپ وتىر.
«تالداۋ كورسەتكەندەي, جول اپاتتارىنا سەبەپ بولاتىن جايتتىڭ ءبىرى – اۆتوكولىكتى جۇرگىزۋ كەزىندە جۇرگىزۋشىلەردىڭ قالعىپ كەتۋى نەمەسە ۇزاق ساپاردان شارشاۋى. جىل باسىنان بەرى وبلىس جولدارىندا 11 وقيعا تىركەلدى. سالدارىنان 5 ادام قازا تاۋىپ, 19 ادام جاراقات الدى. پاترۋلدىك پوليتسيا روتاسى وبلىستىق جەدەل مەديتسينالىق جاردەم ورتالىعىنىڭ قىزمەتكەرلەرىمەن بىرلەسىپ بىرلەسكەن ءىس-شارالار وتكىزەدى. ونىڭ اياسىندا ءبىز كولىك قۇرالدارىن, اتاپ ايتقاندا, كۇندىزگى جانە تۇنگى ۋاقىتتا تراسسالارعا شىعاتىن ترانزيتتىك اۋىر جۇكتەردى توقتاتامىز. ماماندار جۇرگىزۋشىلەردىڭ دەنساۋلىق جاعدايىن, قان قىسىمىن, شارشاۋ دەڭگەيىن, سونداي-اق العاشقى مەديتسينالىق كومەك جيناعىندا مەديتسينالىق پرەپاراتتاردىڭ بولۋىن تەكسەرەدى. قاجەت بولسا, ولارعا تىنىعاتىن ورىنعا جەتىپ, دەمالۋدى ۇسىنامىز», دەپ حابارلادى وڭىرلىك پوليتسيا دەپارتامەنتىنىڭ ءباسپاسوز قىزمەتىنەن.
پاۆلودار وبلىسى
