فوتو: instagram.com/boxingkazakhstan
10 اقپاندا باستالعان جاتتىعۋ جيىنى 24 اقپان كۇنى «ستراندجا» كۋبوگىنە ۇلاسادى.
قازىر دايىندىققا برازيليا, بولگاريا, يرلانديا, يتاليا قۇراماسىنىڭ بوكسشىلارى قاتىسىپ جاتىر. ۇلتتىق وليمپيادا كوميتەتىنىڭ مالىمەتىنشە, وقۋ - جاتتىعۋ جيىنىنا الەم چەمپيوندارى, وليمپيادا جۇلدەگەرلەرى, ەۋروپا چەمپيوندارى قاتىسىپ, تاجىريبە الماسۋدا.
كىشى الەم چەمپيوناتى اتالىپ كەتكەن تۋرنيردە ەلىمىزدىڭ ءبىرىنشى جانە ەكىنشى ءنومىرلى بىلعارى قولعاپ شەبەرلەرى باق سىنايدى.
باس باپكەر وسى دوداعا قاتىساتىن بارلىق بوكسشىنىڭ فيزيكالىق, تەحنيكالىق دايىندىعى تياناقتى ەكەنىن, قۇرامانىڭ ءار بوكسشىسىنان مەدال كۇتەتىنىن ايتتى.
«ستراندجا» كۋبوگىنەن كەيىن رەسەي قۇراماسىمەن بىرلەسكەن وقۋ-جاتتىعۋ جيىنى وتەدى. بۇل جيىنعا رەسەيدىڭ, وزبەكستاننىڭ, ازەربايجاننىڭ, بەلارۋستىڭ 1-2 ءنومىرلى بوكسشىلارى قاتىسادى. ءبىر قۇرامامىز برازيليادا وتەتىن الەم كۋبوگىنا اتتانادى. ودان بولەك تاعى ءبىر قۇرامامىز ازەربايجان مەن گرۋزيادا وقۋ-جاتتىعۋ جيىنىن وتكىزەدى. كەيىننەن «جىبەك جولى» اتتى ءىرى حالىقارالىق تۋرنيردە ونەر كورسەتەدى», دەدى قايرات ءساتجانوۆ.
سونداي-اق 13-27 ناۋرىز ارالىعىندا جاپونيا مەن كورەيا مەملەكەتتەرىنىڭ قاتىسۋىمەن جاتتىعۋ جيىنى جوسپارلانىپ وتىر. ال رەسەيدە دايىندالىپ جاتقان سپورتشىلار حاباروۆسكىدە وتەتىن جارىسقا قاتىسادى.
