فوتو: aqmola_pd
جۇرگىزىلىپ جاتقان پروفيلاكتيكالىق ءىس-شارالارعا قاراماستان, اقمولا وبلىسى جولدارىندا جول-كولىك وقيعالارى جالعاسىپ جاتىر. مىسالى, 15 اقپاندا كوكشەتاۋ قالاسى پوليتسياسىنا «زۆونوچەك» ايالداماسى جانىندا جاياۋ جۇرگىنشىنى سوعىپ كەتكەنى تۋرالى حابارلاما كەلگەن. Hyundai Accent كولىگىن باسقارعان 49 جاستاعى ايەلدىڭ باعدارشامنىڭ رۇقسات ەتىلگەن بەلگىسى جانىپ تۇرعان كەزدە جولدان ءوتىپ بارا جاتقان 18 جاستاعى جاياۋ جۇرگىنشىنى قاعىپ كەتكەنى انىقتالعان.
اتالعان وبلىستىڭ پوليتسيا دەپارتامەنتىنىڭ مالىمەتىنشە زارداپ شەككەن ستۋدەنت اۋرۋحاناعا سىنىقپەن جەتكىزىلگەن. اتالعان فاكتى بويىنشا سوتقا دەيىنگى تەرگەپ-تەكسەرۋ باستالدى.
جول-كولىك وقيعالارىنىڭ جيىلەۋىنە بايلانىستى, ەرتەڭنەن باستاپ اقمولا وبلىسىندا «قاۋىپسىز جول» رەسپۋبليكالىق اكتسياسى باستالادى.
