فوتو: ۇكىمەتتىڭ ءباسپاسوز قىزمەتى
وقىتۋ جوباسى ەكونوميكا, مەملەكەتتىك باسقارۋ, بيۋدجەتتىك جوسپارلاۋ, كوممۋنالدىق مەنشىكتى باسقارۋ, تسيفرلاندىرۋ, تاۋەكەل-مەنەدجمەنت, كاسىپكەرلىكتى دامىتۋ جانە ينۆەستيتسيالار تارتۋ سالاسىندا 17 مودۋل مەن 240 اكادەميالىق ساعاتتى قامتيدى.
2023 جىلى اۋداندار مەن وبلىستىق ماڭىزى بار قالا اكىمدەرىنىڭ پيلوتتىق سايلاۋى ءوتتى. بارلىق وڭىرلەردە 45 اكىم سايلاندى. بيىلدان باستاپ بارلىق اۋداننىڭ اكىمى تىكەلەي سايلاۋ ارقىلى عانا قىزمەتكە كىرىسەدى. وسىعان بايلانىستى, بۇگىنگى «اكىمدەر مەكتەبىن» ىسكە قوسۋ ۋاقتىلى ءارى ورىندى شەشىم دەپ سانايمىن. بىلىكتىلىكتى ارتتىرۋ باعدارلاماسى اۋىلدىق ايماقتاردىڭ دامۋىنا جاڭا سەرپىن بەرىپ, حالىقتىڭ تۇرمىس دەڭگەيىن جاقسارتۋعا مۇمكىندىك بەرەدى», دەدى جيىنعا قاتىسقان ۆيتسە-پرەمەر قانات بوزىمباەۆ.
ايتا كەتەيىك, بۇعان دەيىن مەملەكەت باسشىسى ۇكىمەتتىڭ كەڭەيتىلگەن وتىرىسىندا «اmanat» پارتياسىنىڭ وڭ تاجىريبەسىن ەسكەرە وتىرىپ, مقىا-مەن بىرلەسىپ سايلانعان اكىمدەر مەن ءتۇرلى دەڭگەيدەگى باسشىلاردى كەشەندى دايارلاۋ باعدارلاماسىن ىسكە قوسۋدى تاپسىرعان بولاتىن.
