مۋزەيگە سىي

بۇل ءىس-شارا – ءوڭىر تاريحىن زەرتتەۋگە, مادەني مۇرانى ساقتاۋعا جانە بولاشاق ۇر­پاققا جەتكىزۋگە باعىتتالعان ماڭىز­دى قادام. تابىس ەتىلگەن جادىگەرلەر قاتارىنان كونە قورىمداردان تا­بىلعان ارحەولوگيالىق ارتەفاكتىلەر مەن ەرەكشە تاريحي مۇرالاردى كورۋگە بولادى.

«ۇزىنبۇلاق قورىمىنان تابىلعان (VII–IX عع.) تەمىردەن جاسالعان جەبە ۇشتارى, تەمىر ۇزەڭگى مەن ىلمەكتى بەلدىك, جىلقى ابزەلدەرىنىڭ تەمىر فراگ­مەنتتەرى, قولا پلاستينالى جاپسىرمالارى بار اعاش قالدىقتارى, قولا ىلمەكتى بەلدىك, جاۋىنگەر بەلدىگىنىڭ قولا جاپسىرمالارى, پىشاقتىڭ ۇشى, ويۋلى قىش قۇمىرا فراگمەنتى بار. سونداي-اق ۇيعىر اۋدانى شوشاناي اۋى­لى ماڭىنان 2023 جىلدىڭ ماۋ­سىم ايىندا تابىلعان پەتروگليف تاس تا مۋزەي قورىنا تابىس ەتىل­دى.­­­­­­­ بۇل جادىگەرلەر ايماقتىڭ باي مادەني-تاريحي مۇراسىن تانىستىرۋعا, قازاق دالاسىندا ءومىر سۇرگەن ەجەلگى وركەنيەت ىزدەرىن زەرتتەۋگە مۇمكىندىك بەرەدى. كوپتەگەن ارتەفاكتى – ەرتە تۇركى ءداۋى­رىنىڭ اسكەري, شارۋاشىلىق جانە تۇر­مىستىق زاتتارى», دەيدى الما­تى وب­لىستىق تاريحي-مادەني مۇرانى قورعاۋ جونىندەگى ورتالىقتىڭ باس ينس­پەكتورى ەركەبۇلان باقاباەۆ.

وبلىستىق تاريحي-مادەني مۇرانى قورعاۋ ورتالىعى 2022 جىلدان باس­تاپ تاريحي-مادەني ەسكەرتكىشتەردى جيناقتاۋ جۇمىسىمەن اينالىسىپ كەلەدى. وعان ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىم­دارى اتسالىسىپ, بۇزىلۋ جانە تونالۋ قاۋپى تونگەن وبالارعا ارحەولوگيا­لىق قازبا جۇمىسىن جۇرگىزىپ جاتىر. مۋزەي قورىنا تاپسىرىلعان جادى­گەرلەر تاباندى ەڭبەكتىڭ ناتي­جەسىن كورسەتەدى.

الماتى وبلىسى,

كەگەن اۋدانى