«مەنىڭ ارمانىم – ۇلكەن قۇرالاي قۇسىنىڭ ۇياسىن تاۋىپ الۋ. ەلىمىزدە سيرەك كەزدەسەتىن بۇل قۇستىڭ ۇياسىن ەشكىم كورمەگەن. زەينەتكەرلىككە تاياعاندا ۇلتتىق پارككە ورنيتولوگ بولىپ جۇمىسقا ورنالاسقانمىن. قازىر زەينەتكەرمىن. جالپى, قۇستاردى زەرتتەۋمەن 2009 جىلدان بەرى اينالىسىپ كەلەمىن», دەيدى تابيعات جاناشىرى ۆلاديمير ۆوروبەۆ.
ورنيتولوگ ازاماتتىڭ اتقارىپ جۇرگەن جۇمىسى وتە كوپ. التايدىڭ قاناتتىلارىن تۇگەندەپ, ولاردى سۋرەتكە ءتۇسىرۋ وڭاي شارۋا ەمەس. ۆ.ۆوروبەۆتىڭ ءوز ىسىنە بەرىلگەندىگى سونداي, قالتاسىندا سوڭعى تيىن قالسا دا, جۇمىسىنا اينالعان ەرمەگىنە جۇمساعان. قايبىر جىلدارى بالەنباي ميلليون تەڭگەگە الىستى كوز الدىڭا اكەلەتىن فوتواپپارات ساتىپ الىپ, التايداعى قۇس بىتكەندى تۇگەندەگەن.
زەينەتكە شىققان سوڭ, ول سيرەك كەزدەسەتىن قۇستاردى زەرتتەۋگە كىرىسكەن. ولاردىڭ مەكەنىن, تىنىس-تىرشىلىگىن باقىلاپ, عىلىمعا وراسان زور ۇلەس قوستى. ۆلاديمير ميحايلوۆيچ التاي ۇلارى مەن دوڭتۇمسىق تۇرپان سەكىلدى سيرەك كەزدەسەتىن ەكى قۇستى «قىزىل كىتاپقا» ەنگىزۋگە ىقپال ەتكەن.
ايتا كەتەرلىگى, 19 اقپان – حالىقارالىق ورنيتولوگتەر كۇنى. وسى ورايدا قاناتتىلارعا قورعان بولىپ جۇرگەن تابيعات جاناشىرلارىنىڭ ەڭبەكتەرىنە ساتتىلىك تىلەيمىز.
شىعىس قازاقستان وبلىسى
