فوتو: اۋىل شارۋاشىلىعى مينيسترلىگى
اقمولا وبلىسىنىڭ مامانداندىرىلعان اۋدانارالىق ەكونوميكالىق سوتى جەر رەسۋرستارىن باسقارۋ دەپارتامەنتىنىڭ (قر اشم جربك) تالابىن قاناعاتتاندىرىپ, ۇزاق ۋاقىت بويى پايدالانىلماعان 39,3 مىڭ گا اۋىل شارۋاشىلىعى جەرىن ماجبۇرلەپ قايتارۋ تۋرالى شەشىم قابىلداعان.
تەكسەرۋ ناتيجەسىندە ەرەيمەنتاۋ اۋدانىنىڭ سىلەتى, اقسۋات, قويتاس اۋىلدىق وكرۋگتەرىندەگى, ونىڭ ىشىندە 4 747 گا ەگىستىك پەن 34 425 گا جايىلىمدىق جەر ماقساتتى تۇردە پايدالانىلماعانى انىقتالعان.
جەر يەسىنە زاڭبۇزۋشىلىقتاردى جويۋ ءۇشىن 1 جىل ۋاقىت بەرىلسە دە, ول قاجەتتى شارالاردى قابىلداماعان.
اپەللياتسيالىق ينستانتسيا شەشىمدى وزگەرىسسىز قالدىردى. ەندى بۇل جەرلەر ءتيىمدى پايدالانۋشىلارعا بەرىلەدى, ال ولاردىڭ يگەرىلۋىنە باقىلاۋ جالعاسادى.
