اۋليەاتالىق دەلەگاتسيانى باستاپ بارعان تاراز قالاسى اكىمىنىڭ ورىنباسارى گۇلدانا جاۋىنبەكوۆا شەتەلدىك ارىپتەستەرىنىڭ قۇرمەتى بولەك ەكەنىن ايتتى.
«حالىقارالىق كورمەنىڭ 25 جىلدىعىنا وراي ۇيىمداستىرىلعان ءىس-شاراعا ورتا ازيا, وڭتۇستىك ازيا ەلدەرى جانە دۇنيەجۇزىلىك قولونەرشىلەر تىزىمىنە ەنگەن قالالاردىڭ قولونەرشىلەرى قاتىستى. سولاردىڭ اراسىندا قازاقستاننىڭ ۇلتتىق قولونەرى ەرەكشە باعاعا يە ەكەنىن اڭعاردىق. ارينە, بۇل مەملەكەتىمىزدىڭ جان-جاقتى قولداۋىنىڭ ناتيجەسى ەكەنى داۋسىز. ءتورت كۇنگە سوزىلعان حالىقارالىق شارا اياسىندا ءبىزدىڭ شەبەرلەر ءوز تۋىندىلارىن كوپشىلىك نازارىنا ۇسىنىپ قانا قويماي, ءتول مادەنيەتىمىزدىڭ دامۋىنا دا زور ۇلەس قوستى», دەيدى تاراز قالاسى اكىمىنىڭ ورىنباسارى.
حالىقارالىق دەڭگەيدە ۇيىمداستىرىلعان ءىس-شاراعا ارنايى قاتىسقان تارازدىق انار بەكسۇلتانوۆانىڭ ايتۋىنشا, بەلگىلى مامانداردان بولەك, جەرگىلىكتى حالىق تا تۋىندىلاردى جوعارى باعالاپ, قىزىعۋشىلىق تانىتقان.
ء«بىز قولونەرشىلەردىڭ دۇنيەجۇزىلىك تىزىمىنە ۇلتتىق كيىمدەر ارقىلى ەنگەنبىز. سوندىقتان وسى كورمەگە ءوز تاراپىمىزدان تورگە ىلەتىن تۇسكيىز, سىرماق, ۇلتتىق كيىمدەرىمىز – شاپان, جاداعاي, كيىزدەن جاسالعان اياق كيىم, باس كيىم, سومكە تۇرلەرىن اپاردىق. بارلىعى دەرلىك ساراپشىلاردىڭ قىزىعۋشىلىعىن تۋعىزدى», دەيدى ول اعىنان جارىلىپ.
