كەرەك دەرەك

ەل اۋماعىندا بۇرىننان بار, يدەنتيفيكاتسيالىق كودتار دەرەكقورىنا (يكد) ەنگىزىل­گەن تەلەفوندار ەشقانداي شەك­تەۋ­سىز جۇمىسىن جالعاستىرا­دى. بۇل جاڭاشىلدىق تىركەۋ جۇ­يەسىن ودان ءارى جاقسارتىپ, الاياقتىققا قارسى كۇرەسۋگە, تۇتىنۋشىلاردىڭ قۇقىعىن قورعاۋعا, ءموبيلدى قۇرىل­عىنى پايدالانۋ قاۋىپسىزدىگىن ارت­تىرۋعا باعىتتالعان.

بۇگىندە ەلىمىزدە, شامامەن 3,7 ميلليون قاي­تا­لانعان IMEI-كودى بار قۇ­رىلعى تىركەلگەن. ولاردىڭ زاڭ­سىز اكەلىنۋى ايتارلىقتاي ەكو­نوميكالىق جانە الەۋمەتتىك ماسەلە تۋىنداتادى. مۇنداي ءموبيلدى قۇرىلعىلار نارىعى قۇرىلعىلاردىڭ زاڭدى اينالىمىن باقىلاۋدى قيىنداتىپ, تەلەفون ۇرلىعىنىڭ كوبەيۋىنە ىقپال ەتەدى. ءبىر جاعىنان, ادى­لەتسىز باسەكەلەستىك تۋعىزادى. وسى ماسەلەنى شەشۋ ماقسا­تىندا جاڭا ەرەجە ەنگىزىلىپ, ءموبيلدى قۇرىلعىلار نارى­عىنىڭ اشىق ءارى قاۋىپسىز بولۋىن قامتاماسىز ەتۋ قاراستىرىلعان.

جاڭا ەرەجەگە سايكەس تىر­كەۋ كەزىندە ارنايى جۇيەمەن مىناداي ولشەمدەردى تەكسەرەدى: ءبىرىنشى – قۇرىلعى IMEI-كودىنىڭ تۇپنۇسقالىعى, ەكىن­شى – IMEI-كودتىڭ GSMA حالىق­ارالىق بازاسىندا ۇرلانعان, بۇعاتتالعان نەمەسە جوعالعان قۇرىلعىلار تىزىمىندە بولماۋى, ءۇشىنشى – قۇرىلعىنىڭ ەلىمىزگە زاڭدى تۇردە اكەلىنگەنى.

قايسار قۇسايىن