اقپان ايىنىڭ ەكىنشى اپتاسىندا بۇكىل الەمدە اتاپ وتىلەتىن قاۋىپسىز ينتەرنەت كۇنى تسيفرلىق تەحنولوگيالاردى, اسىرەسە جاستار اراسىندا, قاۋىپسىز ءارى جاۋاپتى پايدالانۋعا نازار اۋدارۋعا باعىتتالعان.
قاۋىپسىزدىكتى ساقتاۋ ماقساتىندا TikTok الەمدەگى ەڭ يننوۆاتسيالىق تەحنولوگيالاردى قولدانىپ, ونداعان مىڭ كاسىپقوي مامانداردىڭ قىزمەتىنە جۇگىنىپ وتىرعانى بەلگىلى. اتاپ ايتقاندا, پلاتفورمانىڭ 24/7 فورماتىنداعى مودەراتسياسى قاۋىمداستىق ەرەجەلەرىن بۇزاتىن بەينە-كونتەنتتى جويادى جانە اشىقتىقتى ساقتاۋ اياسىندا TikTok توقساندىق ەسەپتەرىندە جويىلعان كونتەنت سانىمەن ءبولىسىپ وتىرادى. ماسەلەن, 2024 جىلى قازاقستاندا قاۋىمداستىق نۇسقاۋلارىن بۇزعانى ءۇشىن 6,5 ميلليوننان استام بەينە جويىلعان (وتكەن جىلى 4 ميلليوننان استام بەينە جويىلعان). مىسالى, بەينەبايانداردىڭ 95%-ى بىردەن, ياعني ولارعا شاعىم تۇسپەي تۇرىپ, 80%-ى پلاتفورما پايدالانۋشىلارى كورمەي تۇرىپ جويىلدى. ال 930 مىڭنان استام تىكەلەي ەفير ەرەجە بۇزعاندىقتان بۇعاتتالدى.
قازىرگى تاڭدا پلاتفورما كامەلەتكە تولماعان قولدانۋشىلاردىڭ قاۋىپسىزدىگىنە ەرەكشە نازار اۋداراتىندىقتان, مودەراتورلار توبى 13 جاسقا تولماعانداردىڭ ەسەپتىك جازبالاردى انىقتاپ, جويىپ وتىرادى. ماسەلەن, 2024 جىلى قازاقستاندا 13 جاسقا تولماعان قولدانۋشىلاردىڭ 1,9 ميلليون ەسەپتىك جازباسى جويىلدى.
TikTok ەلىمىزدە تسيفرلىق ساۋاتتىلىق نەگىزدەرىن وقىتاتىن باستامالارعا بەلسەندى ينۆەستيتسيا سالۋدى جالعاستىرىپ جاتىر دەسەك, 2023 جىلى پلاتفورما «قاۋىپسىزدىك اكادەمياسى» اۋقىمدى جوباسىن ىسكە قوستى, ونىڭ شەڭبەرىندە قولدانۋشىلار وزدەرىن ونلاين-بۋللينگتەن, باسقا دا تسيفرلىق قاۋىپتەردەن قالاي ساقتانۋدى, ونلاين جانە وففلاين ءومىردىڭ تەپە-تەڭدىگىن قامتاماسىز ەتۋدى, فەيكتەردى شىندىقتان اجىراتۋ سىندى نارسەلەردى ۇيرەنگەن كورىنەدى.
قاۋىپسىز ينتەرنەت كۇنىنە وراي TikTok تانىمال كونتەنت اۆتورلارى جاساعان «ەڭ الدىمەن قاۋىپسىزدىك», قازاق تىلىندە وقىتاتىن بەينەبايانداردى جاڭا سەرياسىن ىسكە قوستى. ماسەلەن, @_danoochkaa قاۋىمداستىق ەرەجەلەرىن بۇزۋى مۇمكىن كوتەنتتەرگە شاعىم جىبەرۋ كەرەكتىگىن ەسكە سالسا, @saykachuu پلاتفورمادا كەز كەلگەن جەككورۋشىلىك, كەمسىتۋشىلىككە تىيىم سالىناتىنىن, @nurqojadua الاياقتارعا الدانباۋدى, @medet.jan اتا-انالارعا ءجاسوسپىرىم بالالاردىڭ قاۋىپسىزدىك باپتاۋلارىن باقىلاۋعا مۇمكىندىك بەرەتىن «وتباسى باپتاۋلارى» قۇرالىن ەسكە تۇسىرەدى. سول سياقتى @aqolek وزگەلەردى قورلاپ, ماسقارالايتىن, @aitoqueen TikTok تەك 13 جاسقا تولعاندارعا ارنالعانىن باياندايدى.
سونداي-اق Astana Hub IT-ستارتاپتاردىڭ حالىقارالىق تەحنوپاركى جوبا سەرىكتەسىنە اينالدى جانە ونىڭ كومانداسى كيبەرپوليتسيا كەيىپكەرلەرى قىزىقتى ەكشن-فورماتتا پايدالانۋشىلاردى ءارتۇرلى تسيفرلىق قاۋىپتەردەن قۇتقارىپ وتىراتىن Cyberكۇزەت اتتى بەينەروليكتەر سەرياسىن جاساپ شىعارعان.
