جەرگىلىكتى تۇرعىندار بۇل قۇبىلىسقا كەيبىر حيميالىق توگىندىلەر اسەر ەتۋى مۇمكىن دەپ توپشىلاسا, ماماندار قاراپايىم قۇبىلىس ەكەنىن ايتىپ, ەكولوگيا مەن ادامدارعا قاۋىپ توندىرمەيتىنىنە سەندىردى.
«بۇل - ءار قىس سايىن ءجيى كەزدەسەتىن تابيعي قۇبىلىس. قوڭىر بالدىرلار سۋ بەتىندە وسىلاي كورىنەدى», دەپ ءتۇسىندىردى «ەكو ماڭعىستاۋ» ۇەۇ باسشىسى كيريلل وسين.
ەكولوگتار سۋىق مەزگىلدە بالدىرلار كوبەيىپ, گۇلدەيتىنىن ايتتى, سول سەبەپتى دە تەڭىزدىڭ كەيبىر بولىكتەرى قىزىل تۇسكە بويالعانداي كورىنىس بەرەدى.
ماڭعىستاۋدىڭ ەكولوگيا دەپارتامەنتى دە تەڭىز بالدىرلارىنىڭ اسەرىنەن جاعا قىزىل تۇسكە بويالعانىن مالىمدەدى, بىراق سىنامالار الىنعان.
«دوستار» جاعاجايى, «نۇر-پلازا» جانە ياحتا كلۋبى اۋماعىنان سىنامالار الىندى. تالداۋلارعا سۇيەنسەك, تەڭىزدە حيميالىق اسەر تابىلعان جوق. بالدىرلار ەشقانداي زيان كەلتىرمەيدى. بۇل - تابيعي قۇبىلىس, سوندىقتان الاڭداماڭىزدار», دەپ ءتۇسىندىردى ماڭعىستاۋدىڭ ەكولوگيالىق زەرتتەۋ زەرتحاناسىنىڭ گيدروبيولوگيا ءبولىمىنىڭ زەرتحاناشىسى نۇربولات وتەمىسوۆ.
