وتكەن جىلى كومپانيا 8 ملرد تەڭگەدەن استام سالىق تولەگەن. سونىمەن قاتار 400-دەن استام جۇمىس ورنى قۇرىلىپ, جۇمىسشىلاردىڭ جالاقىسى 380 000 تەڭگەگە دەيىن وسكەن. زاۋىتتاعى بارلىق كاسىپورىندا تسيفرلاندىرۋ, جاڭعىرتۋ جانە اۆتوماتتاندىرۋ جۇمىستارى جۇرگىزىلگەن. تمد ەلدەرىنە ەكسپورتتى كەڭەيتۋ ماقساتىندا قىرعىزستان, وزبەكستان جانە رەسەيمەن بايلانىس ورناتىلعان.
بيىلعى جۇمىسشى ماماندىقتارى جىلىنا وراي, تابىسى تاسقىنداعان كاسىپورىندا «اشىق ەسىك» كۇنى ۇيىمداستىرىلدى. ءىس-شاراعا وڭىردەگى 6 تەحنيكالىق كوللەدجدەن 30 شاقتى ستۋدەنت شاقىرىلدى. الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى مەن ءبىلىم باسقارماسى بىرلەسە ۇيىمداستىرعان باسقوسۋدىڭ باستى ماقساتى – جاستاردىڭ ماماندىقتى دۇرىس تاڭداۋىنا, سونداي-اق جۇمىسقا ورنالاسۋىنا باعىت-باعدار بەرۋ.
بۇگىنگى تاڭدا وبلىستا 40 كوللەدج جۇمىس ىستەيدى, ونىڭ 25-ءى جۇمىسشى ماماندىقتار بويىنشا وقىتادى.
«اسىرەسە تەحنيكالىق ماماندىقتاردا وقيتىن ستۋدەنتتەرگە باسىمدىق بەرىپ وتىرمىز. ويتكەنى ىلە اۋدانىندا ءوندىرىس ورىندارى كوپتەپ سانالادى. سوندىقتان ستۋدەنتتەردى زاۋىتتاردىڭ جۇمىس ىرعاعىمەن تانىستىرىپ ءارى قىزىقتىرۋ ءۇشىن وقۋ ورىندارىمەن بىرلەسىپ, وسىنداي شارالار وتكىزىپ تۇرامىز», دەيدى ىلە اۋدانى اكىمىنىڭ ورىنباسارى قۋات اقشاباەۆ.
الماتى وبلىسىندا بارلىق جۇمىس ىستەيتىن ادامداردىڭ جارتىسىنان استامىندا كاسىپتىك نەمەسە تەحنيكالىق ءبىلىمى بار, 360 مىڭ ادام 500-دەن استام جۇمىسشى ماماندىعىمەن جۇمىس ىستەيدى. جۇمىسشى كادرلار كولىك, ساۋدا, ونەركاسىپ, قۇرىلىس جانە اۋىل شارۋاشىلىعى سالاسىندا سۇرانىسقا يە.
سونىمەن بىرگە بولجامدار الداعى جىلدارى جۇمىس كۇشىنە دەگەن قاجەتتىلىك تەك ارتا تۇسەتىنىن كورسەتىپ وتىر. تاياۋداعى 6 جىلدا كادرلارعا سۇرانىستىڭ جالپى سانى – 240 مىڭ ادام, ونىڭ ىشىندە كاسىپتىك-تەحنيكالىق ءبىلىمى بار جۇمىسشىلاردىڭ جارتىسىنان استامى ياعني 60 مىڭعا جۋىعى جۇمىسشى ماماندىقتار يەلەرىنە تيەسىلى. سوندىقتان جۇمىسشى ماماندىقتاردى دامىتۋ – ءوڭىردىڭ بولاشاعىنا, تەحنولوگيالىق جانە ەكونوميكالىق دامۋىنا ايرىقشا ىقپال ەتپەك.
بۇل ورايدا العا قويعان ماقسات تا ايقىن. جۇمىسشى ماماندىقتارى جىلىنا ارنالعان ءىس-شارالار جوسپارى اياسىندا جۇمىس بەرۋشىلەردىڭ سۇرانىسى بويىنشا كاسىپتىك وقىتۋعا جانە جۇمىس ورنىندا وقىتۋعا ەرەكشە نازار اۋدارىلاتىنى اتالدى. بيىلعى جىلى 860-قا جۋىق ادامدى وقۋ ورتالىعىندا جانە جۇمىس بەرۋشىنىڭ جۇمىس ورنىندا جۇمىسشى ماماندىقتار بويىنشا قىسقامەرزىمدى وقىتۋدان وتكىزۋ جوسپارلانعان.
«جۇمىسشى ماماندىقتاردى دامىتۋ جانە قولداۋ – مەملەكەتتىڭ, بيزنەستىڭ, ءبىلىم بەرۋ مەكەمەلەرى مەن قوعامنىڭ بىرلەسكەن كۇش-جىگەرىن تالاپ ەتەتىن ستراتەگيالىق ماڭىزدى مىندەت ەكەنىن اتاپ وتكىم كەلەدى. ءبىز قازىردىڭ وزىندە جوعارى بىلىكتى كادرلاردى دايارلاۋعا جاعداي جاساپ, جۇمىسشى ماماندىقتاردىڭ ءيميدجىن جاقسارتىپ, وقىتۋدىڭ زاماناۋي تەحنولوگيالارىن ەنگىزە وتىرىپ, وسى باعىتتا ەلەۋلى قادامدار جاساپ جاتىرمىز», دەيدى الماتى وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ا.احمەتوۆا.
تەمىردەن ءتۇيىن تۇيگەن كاسىپورىننىڭ جۇمىس ىرعاعىمەن تانىسقان ستۋدەنتتەر جۇمىسشى ماماننىڭ قادىر-قاسيەتى مەن مارتەبەسىن سەزىنىپ, ءوز ىسىندە تاباندىلىق تانىتىپ جۇرگەن الدىڭعى تولقىن اعالاردىڭ اقىل-كەڭەسىنە قانىقتى.
«زاۋىتقا 2006 جىلى سلەسار ماماندىعىمەن جۇمىسقا كەلگەنمىن. جيىرما جىل ەڭبەك ەتىپ, وسى كۇنى باس مەحانيكپىن. ءوزىم جەتەكشىلىك ەتەتىن جوندەۋ تسەحىندا 40 ادام جۇمىس ىستەيدى. ولاردىڭ اراسىندا تەمىر ءپىسىرۋشى, سلەسار, توكار سىندى ماماندار بار. جۇمىسشىلاردىڭ تاباندى ەڭبەك ەتۋىنىڭ ارقاسىندا ابىروي بيىگىنەن كورىنىپ كەلەمىز», دەدى باس مەحانيك ارمان جاقىپبەكوۆ.
«اشىق ەسىك» كۇنىندە كومپانيا باسشىلىعى مەن 6 كوللەدج ۇجىمى ءوزارا ىنتىماقتاستىق مەموراندۋمىنا قول قويدى.
وبلىستا وسى كۇنى جۇمىسسىز ادامدار سانى 33 مىڭ بولسا, ونىڭ ىشىندە 10 مىڭعا جۋىعى NEET ساناتىنداعى جاستار. ولاردى قىسقا مەرزىمدە وقىتىپ, جۇمىسقا تارتۋ ءۇشىن «بەنت» جشس سىندى كومپانيالارعا ارتىلار ءۇمىت زور.
ويتكەنى اتالعان ءوندىرىس وشاعىندا جۇمىسشى مامانداردى باۋليتىن ارنايى وندىرىستىك وقىتۋ ورتالىعى بارىن ايتتىق. ورتالىق وسى ۋاقىتقا دەيىن وزدەرىنە 100 شاقتى مامان تاربيەلەپ شىعارعان ەكەن. كومپانيا وكىلدەرى ءوز كەزەگىندە تاعى 60 جۇمىسشى مامانعا سۇرانىس بارىن اتادى.
الماتى وبلىسى,
ىلە اۋدانى
