فوتو: welcome.kz
جاقىندا قوعامدىق تىڭداۋ بولىپ, ۇسىنىس رەسپۋبليكالىق كوميسسياعا جولدانادى. Qazaqstan.tv ارناسىنىڭ جازۋىنشا, سەمەيدە ابدەن ەسكىرگەن اتاۋلار كوپ. مىسالى كرەنستيانسكايا, پەرۆومايسكايا, سوۆەتسكايا, ەنگەلس سىندى كوشەلەر ءالى كۇنگە دەيىن بار.
ەندى ولاردىڭ ورنىنا قۇنانباي وسكەنباي ۇلى, كەڭگىرباي جاندوس ۇلى, انۋاربەك بايجانباەۆ, جۇمات شانين, راقىمجان قوشقارباەۆ سىندى تۇلعالاردىڭ اتى بەرىلمەك.
«بيىل اباي قۇنانباي ۇلىنىڭ 180 جىلدىعىنا وراي, قۇنانباي وسكەنباي ۇلىنا كوشە اتىن بەرۋ جوسپارلانىپ وتىر. قالادا 1 200-گە جۋىق كوشە بار. سونىڭ ەداۋىرى تاريحي تۇرعىدان ەسكىرگەن كوشەلەر. ولار كەزەڭ-كەزەڭىمەن وزگەرتىلەدى», دەدى سەمەي قالاسى مادەنيەت جانە تىلدەردى دامىتۋ ءبولىمى باسشىسىنىڭ ورىنباسارى اسەل ابىلقاسىموۆا.
