فوتو: ۇكىمەتتىڭ ءباسپاسوز قىزمەتى
«مەملەكەت باسشىسى ۇكىمەتتىڭ كەڭەيتىلگەن وتىرىسىندا ەكونوميكالىق ءوسۋدى قامتاماسىز ەتۋدە اگرارلىق سەكتور ەرەكشە ورىن الاتىنىن اتاپ كورسەتتى. ەكسپورتقا شىعاتىن جانە نارىقتا سۇرانىس جوعارى, كوبىرەك تابىس اكەلەتىن داقىلداردىڭ القاپتارىن كەڭەيتۋگە باسىمدىق بەرۋ قاجەت», دەدى ولجاس بەكتەنوۆ.
سونىمەن قاتار بيىل ەگىنشىلىك سالاسىن قارجىلاندىرۋ كولەمى 700 ملرد تەڭگەگە دەيىن ۇلعايتىلعان. ليزينگكە جۇمسالاتىن قاراجات 200 ملرد تەڭگەگە جەتكىزىلدى. جەڭىلدىكپەن 400 مىڭ توننادان استام ديزەل وتىنى بولىنگەن.
«مەملەكەت ەگىس ناۋقانىن ويداعىداي وتكىزۋ ءۇشىن قاجەتتى شارالاردىڭ بارلىعىن قابىلدادى. جۇمىستاردى ناتيجەلى ءارى ۇيىمداسقان تۇردە جۇزەگە اسىرۋىمىز قاجەت. اۋىل شارۋاشىلىعى مينيسترلىگى جەڭىلدەتىلگەن نەسيەنى تيىمدىلىگى مەن جاۋاپكەرشىلىگى جوعارى ديقانداردى قولداۋعا عانا بەرۋى كەرەك. ەگىنشىلەردى ساپالى جانە تەكسەرۋدەن وتكەن تۇقىم قورىمەن قامتاماسىز ەتۋ ماڭىزدى. ول ءۇشىن ءبىرىنشى كەزەكتە, وتاندىق وندىرۋشىلەردى ىنتالاندىرۋ قاجەت», دەپ اتاپ ءوتتى پرەمەر-مينيستر.
اۋىل شارۋاشىلىعى مينيسترلىگىنە اتالعان ماسەلەنى ساپالى ۇيلەستىرۋدى قامتاماسىز ەتۋ تاپسىرىلدى.
