جەتىسۋ وبلىستىق تج دەپارتامەنتىنىڭ مالىمەتىنشە, سۋ باسۋ قاۋپى جوعارى تاۋەكەلىنە الاكول, ەسكەلدى, كەربۇلاق جانە كوكسۋ اۋداندارى, ال ورتاشا تاۋەكەلگە پانفيلوۆ, سارقان اۋداندارى, تومەنگى تاۋەكەلگە تالدىقورعان, قاراتال, اقسۋ اۋداندارى جاتادى. ال ءوڭىر اۋماعىنداعى وزەن-كولدەردىڭ جاعدايى تۇراقتى.
- 2025 جىلعى سۋ تاسقىنى كەزەڭىنە ارنايى جوسپارلار بەكىتىلىپ, 10 ەلدى مەكەندە قاۋىپ بارىنشا تومەندەتىلدى (اباي, ەشكولمەس, ارحارلى, بەسكول, كوكتۋما, قوپا, ۇشتوبە (قاراتال-ساياجاي), كوكتال-اراسان, قاراتال, مۇسابەك). 2025 جىلعى سۋ تاسقىنى كەزەڭىنە دايىندىق اياسىندا, وتكەن جىلى 17 شاقىرىم سۋ بۇرۋ ارنالارىن ورناتۋ جانە تازارتۋ, 400 مەتر قورعانىس بوگەندەرىن ورناتۋ جانە جوندەۋ, 4,7 شاقىرىم وزەندەر مەن كانالدار ارنالارىن مەحانيكالىق تازارتۋ, 10,6 شاقىرىم وزەن ارنالارىن ءتۇبىن تەرەڭدەتۋ, تۇزەتۋ جانە جاعالاۋلارىن نىعايتۋ جۇمىستارى ىستەلدى, - دەدى جەتىسۋ وبلىستىق توتەنشە جاعدايلار دەپارتامەنتى.
دەپارتامەنت ماماندارى 43 ەلدى مەكەندە سۋ باسۋ قاۋپى ازايتىلدى, قالعان 4 ەلدى مەكەندە جۇمىس جالعاسىپ جاتىر دەپ ەسەپ بەردى. جالپى, وبلىس بويىنشا قار جامىلعىسىنىڭ قالىڭدىعى 4-72 سانتيمەتر. بيىل الاكول اۋدانىنداعى لەپسينسك جانە كەربۇلاقتاعى قوعالى اۋىلىنا قار مول جاۋعان. ال جەر توڭ بولىپ قاتقان.
الاكولدەگى اقجار اۋىلىندا توپىراقتىڭ بەتكى قاباتى 1 مەتر تەرەڭدىككە دەيىن قاتىپ جاتىر. اقپان ايىنىڭ اۋا رايى بولجامىنا سايكەس, ەكىنشى ونكۇندىكتە اۋا تەمپەراتۋراسى كۇندىز +15 گرادۋسقا دەيىن, تۇندە + 5 گرادۋسقا دەيىن جاعارىلاۋى مۇمكىن. ماماندار كۇننىڭ كۇرت جىلىنۋىنا بايلانىستى اقپان ايىنىڭ سوڭى مەن ءساۋىر ايىنىڭ باسىن قاۋىپتى كەزەڭگە جاتقىزىپ وتىر.
