- بۇگىن تۇندە اقتوبە وبلىسى حرومتاۋ قالاسىنىڭ «سامارا-شىمكەنت» اۆتوجولىنىڭ 850 شاقىرىمىندا جولاۋشىلارى بار 3 جەڭىل اۆتوكولىك پەن ءبىر جۇك كولىگى قار قۇرساۋىندا قالىپ, قوزعالىسىن جالعاستىرا المادى. كولىك ىشىندە 14 ادام, ونىڭ ىشىندە 2 وزبەكستان رەسپۋبليكاسىنىڭ ازاماتى بولدى, - دەلىنگەن حابارلامادا.
تجم قۇتقارۋشىلارى مەن قر تجم 20982 اسكەري ءبولىمىنىڭ اسكەري قىزمەتشىلەرى وقيعا ورنىنا ۆاحتوۆكامەن كەلىپ, كولىك قۇرالدارىن جولدىڭ تازارتىلعان ۋچاسكەسىنە سۇيرەپ شىعارىپ, 14 ادامدى حرومتاۋ قالاسىنىڭ كەمپينگىنە ەۆاكۋاتسيالادى.
تجم داۋىلدى ەسكەرتۋلەرگە نازار اۋدارىپ, اۋا رايى ناشارلاعان جاعدايدا ەلدى مەكەننەن تىس جەرگە جولعا شىقپاۋعا كەڭەس بەرەدى.
