ءماجىلىس حالىقارالىق كەلىسىمدەردى قارايدى

دەپۋتاتتارعا بىرىككەن ۇلتتار ۇيىمى­نىڭ ءبولۋدى باقىلاۋ جو­نىندەگى كۇشتەرىنە (UNDOF) رەسۋرس ۇسىناتىن قازاقستان رەسپۋب­ليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى زاڭ جوباسىن تالقىلاۋ ۇسىنىلادى.

2024 جىلعى 14 اقپاندا نيۋ-يورك­تە جاسالعان مەموران­دۋم قازاقستاننىڭ ۇلتتىق كونتين­گەنتىن بۇۇ-نىڭ گولان شىڭدا­رىنداعى بىتىمگەرلىك ميسسياسىنا جىبەرۋگە بايلانىستى اكىمشىلىك, لوگيستيكالىق جانە قارجىلىق شارتتاردى بەلگىلەيدى. كەلىسىم مەموراندۋمدى تولىقتىرىپ, بۇۇ تاراپىنان قازاقستان ۇكىمەتىنە بىتىمگەرلىك ميسسياعا قاتىساتىن قازاقستاندىق كونتينگەنتكە قاجەتتى پەرسونال, نەگىزگى جابدىقتار مەن ءوزىن-ءوزى قامتاماسىز ەتۋ قۇرالدارىن ۇسىنعانى ءۇشىن تولەم جاساۋ ءتارتىبىن انىقتايدى.

سونداي-اق ءماجىلىستىڭ جالپى وتىرىسىندا تاۋەلسىز مەملەكەتتەر دوستاستىعىنا قاتىسۋشى مەملە­كەت­تەردىڭ سىبايلاس جەم­قورلىققا قارسى ءىس-قيمىلداعى ىنتىماق­تاستىعى تۋرالى كەلىسىمدى راتيفيكاتسيالاۋ تۋرالى زاڭ جوباسى قارالادى.

قۇجاتتا ىنتىماقتاس­تىق­تىڭ نەگىزگى باعىتتارى مەن نىسان­دارى, ونىڭ ىشىندە سى­باي­لاس جەمقورلىقتان تۇس­كەن كىرىستەردى ىزدەۋ جانە قايتا­رۋ, سىبايلاس جەمقورلىق قىل­مىسىن جاسا­عان ادامداردى ۇس­تاۋ جانە ۇستاپ بەرۋ, سون­داي-اق وزگە دە ءىس-شارالار ايقىندالادى.

سونىمەن قاتار ءماجىلىس باسە­كە­لەستىك ماسەلەلەرى جونىن­دەگى جاڭا زاڭ جوباسىن جۇمىسقا قابىلدايدى.