كريتيكالىق يشەميا دەپ وتىرعانىمىز – بۇل تىندەرگە وتتەگى مەن قورەكتىك زاتتار جەتكىلىكسىز بولاتىن اۋىر دەرت. ناتيجەسىندە اۋىرسىنۋ پايدا بولادى, اياق-قول تىنىندە تروفيكالىق وزگەرىستەر ءورشىپ, وسىدان كەيىن نەكروز باستالادى. دەر كەزىندە ەم-دوم جۇرگىزىلمەسە, كەسەلى اسقىنىپ, ناتيجەسىندە گانگرەنا, سەپسيس پەن اياق-قولدىڭ امپۋتاتسياسىنا الىپ كەلەدى.
وسىنداي جاعدايدا قالايدا ناۋقاستىڭ اياعىن ساقتاپ, قان اينالىمىن قالپىنا كەلتىرۋ ءۇشىن قان تامىرلارى حيرۋرگى سۇلتان يليەۆ ءمامس شەڭبەرىندە مىقىن ارتەرياسىن ستەنتتەۋ وپەراتسياسىن جاسادى.
بارىنشا زاقىمى از وپەراتسيا زاقىمدانعان تامىردى كەڭەيتىپ, قان اعىمىن قالپىنا كەلتىرۋگە مۇمكىندىك بەردى. وسىلايشا وپەراتسيا بارىنشا ءساتتى وتكەندىكتەن, اۋىر اسقىنۋلاردىڭ جولى كەسىلىپ, ناۋقاستى قايتا اياعىنان تۇرعىزدى.
الماتىداعى ورتالىق قالالىق كلينيكالىق اۋرۋحاناسىندا قولداناتىن وزىق ەندوۆاسكۋليارلىق تەحنولوگيالار قان تامىرلارى اۋرۋلارىنىڭ اۋىر تۇرلەرىن ءتيىمدى ەمدەۋگە جول اشىپ وتىر.
الماتى
