فوتو: مادەنيەت جانە اقپارات مينيسترلىگى
ايدا بالاەۆا مينيسترلىك پەن ۇلتتىق كوميسسيانىڭ گەندەرلىك تەڭدىكتى قامتاماسىز ەتۋگە باعىتتالعان باستامالارى مەن جوبالارى تۋرالى كەڭىنەن ايتىپ بەردى.مينيستر وڭ وزگەرىستەرگە قاراماستان, گەندەرلىك تەڭدىك ماسەلەلەرى وزەكتى بولىپ قالا بەرەتىنىن, ولاردى كەشەندى تۇردە قاراستىرۋ قاجەت ەكەنىن اتاپ ءوتتى.
ءىس-شارا سۇراق-جاۋاپ فورماتىندا ءوتتى. قاتىسۋشىلار مينيستردەن مەملەكەت باسشىسى العا قويعان ماقساتتاردى ورىنداۋ ءۇشىن ايەلدەردىڭ باسشىلىق لاۋازىمدارداعى ۇلەسىن ارتتىرۋ, ەڭبەكاقىداعى گەندەرلىك الشاقتىقتى جويۋ ماسەلەسى تۋراسىندا بىرقاتار سۇراقتار قويدى. سونىمەن قاتار كوپشىلىك ءمينيستردىڭ جەكە تاجىريبەسى مەن كاسىبي قالىپتاسۋ جولى تۋرالى دا سۇرادى.
«ەڭ باستىسى – ءوز ءىسىڭدى ءسۇيۋ. ەڭبەكقورلىق پەن جاۋاپكەرشىلىك مىندەتتى تۇردە ءوز ناتيجەسىن بەرەدى», – دەپ جاۋاپ بەردى. ايدا بالاەۆا باسشىلىق لاۋازىمدارعا تاعايىنداۋ كەزىندە نەگىزگى فاكتور كانديداتتاردىڭ كاسىبي بىلىكتىلىگى بولۋى كەرەك ەكەنىن اتاپ ءوتتى. مينيستر ايەلدەردىڭ مانساپتىق وسۋىنە تەڭ مۇمكىندىكتەرى بولۋى كەرەگىن, ەشقانداي كەدەرگىلەر مەن ستەرەوتيپتەرگە جول بەرىلمەۋى ءتيىس ەكەنىن جانە وسىنداي جاعداي جاساۋ – باستى مىندەتتەردىڭ ءبىرى ەكەنىن اتاپ ءوتتى.
كەزدەسۋ سوڭىندا مينيستر قاتىسۋشىلاردىڭ بەلسەندىلىگى مەن كونسترۋكتيۆتى سۇراقتارى ءۇشىن العىس ايتىپ, كوتەرىلگەن ماسەلەلەردىڭ ەسكەرىلەتىنىن جانە الداعى جۇمىستا قولدانىلاتىنىن ايتتى.
«تالداۋ مەكتەبى» – قازاقستان رەسپۋبليكاسى پارلامەنتى سەناتىنىڭ قولداۋىمەن ىسكە اسىرىلاتىن قوعامدىق جوبا. مەكتەپ مەملەكەتتىك باسقارۋ, عىلىمي-ساراپتامالىق قوعامداستىق, ازاماتتىق سەكتور مەن باق قىزمەتىندەگى تالدامالىق تاسىلدەردىڭ ساپاسىن ارتتىرۋ ىسىنە ۇلەس قوسۋعا باعىتتالعان.
