ەڭ كوپ جۇمىس ورنى – ءبىلىم سالاسىندا. 112 مۇعالىم مەن تاربيەشى مەكتەپتەر مەن بالاباقشالارعا جۇمىسقا قابىلداندى. جاڭا مامانداردىڭ باسىم بولىگى قارعالى اۋىلىنداعى №1 مەكتەپ-ليتسەيگە, رايىمبەك اۋدانىنداعى بالالار-جاسوسپىرىمدەر سپورت مەكتەبىنە, ءا.بەيسەۋوۆ اتىنداعى ورتا مەكتەپكە ورنالاسقان.
دەنساۋلىق ساقتاۋ سالاسى دا جاڭا كادرلارمەن تولىقتى. الماتى وبلىستىق بالالار كلينيكالىق اۋرۋحاناسى مەن ارنايى الەۋمەتتىك قىزمەت كورسەتۋ ورتالىعىنا 45 مەديتسينالىق مامان جۇمىسقا الىندى.
بۇدان بولەك, كولىك, قويما شارۋاشىلىعى سالاسىنا – 65, ونەركاسىپكە – 24, بالىق شارۋاشىلىعىنا – 15, قۇرىلىسقا 10 ادام جۇمىسقا قابىلداندى.
وڭىردەگى «جەتىسۋ ۆولفرامى» جشس, «تورە جايلاۋ» جشس, سونداي-اق ءبىلىم, دەنساۋلىق ساقتاۋ ۇيىمدارى نەگىزگى جۇمىس بەرۋشى سانالادى. جاڭادان اشىلعان 995 جۇمىس ورنىنىڭ 567-ءسى سۋبسيديالانعان, 428 بوس جۇمىس ورنى enbek.kz پورتالىنا جاريالاندى.
«جاڭا جۇمىس ورىندارىن اشۋ – باستى مىندەتىمىز. جۇمىس بەرۋشىلەرمەن تىعىز بايلانىستامىز, جۇمىس ىزدەۋشىلەرگە قولايلى بوس ورىنداردى تاڭداۋعا كومەكتەسەمىز. ءاربىر ازاماتتىڭ تۇراقتى جۇمىسپەن قامتىلىپ, وتباسىن اسىراۋعا مۇمكىندىگى بولۋى ماڭىزدى», دەگەن وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ايگۇل ماتانقىزى بۇل باعىتتاعى جۇمىستىڭ جالعاساتىنىن اتاپ ءوتتى.
بيىل الماتى وبلىسىندا 61,2 مىڭ جاڭا جۇمىس ورنىن اشۋ جوسپارلانىپ وتىر. بۇل شارا حالىقتىڭ جۇمىسپەن قامتىلۋىن ارتتىرىپ, ءوڭىردىڭ ەكونوميكالىق دامۋىنا سونى سەرپىن بەرەدى.
الماتى وبلىسى
