فوتو: اشىق دەرەككوز
2 اقپان كۇنى 7 جاستاعى ءدانيلدىڭ اناسى, پوليتسياعا ۇلىنىڭ جوعالعانى تۋرالى اقپارات بەرگەن. ايتۋىنشا, اتا-اناسى بالاعا قاتتى ۇرسىپ, ءتارتىبىنىڭ ناشارلىعى سەبەپتى بالالار ۇيىنە وتكىزىپ جىبەرەمىز دەپ قورقىتقان. ءسويتىپ بالا كوشەگە شىعىپ كەتىپ, ءىز-ءتۇسسىز جوعالىپ كەتكەن.
ءبىر تاۋلىك بويى پوليتسەيلەر, ەرىكتىلەر جانە ءدانيلدىڭ اتا-اناسى دا بالانى ىزدەگەن.
الايدا تەرگەۋ كەزىندە اناسى شىندىقتى جاسىرىپ قالا المادى. وگەي اكەسىنىڭ بالانى كوزىنشە ۇرىپ ولتىرگەنىن پوليتسەيلەرگە جايىپ سالعان. زەرتتەۋ ناتيجەسىندە, اتا-انانىڭ بۇرىندارى دا بالاعا قول كوتەرگەندىگى انىقتالدى. بىراق بۇل جولى وقيعا ولىممەن اياقتالعان.
ەر ازامات تۇتقىنعا الىندى. جاساعان قىلمىسىن تولىق مويىندادى.
اتا-اناسى بالانىڭ دەنەسىن كىرپىش تولتىرىلعان قاپشىققا سالىپ, ءۇيىنىڭ جانىنداعى سۋ قويماسىنا لاقتىرىپ جىبەرگەن.
