فوتو: ulysmedia.kz
مارات قاراباەۆتىڭ مالىمەتىنشە, بيىل قوسىمشا 4 مىڭ شاقىرىم اقىلى ۋچاسكەنى ىسكە قوسۋ جوسپارلانعان, بۇل كىرىستى 60 ملرد تەڭگەگە دەيىن ۇلعايتۋعا مۇمكىندىك بەرەدى.
ايتا كەتەيىك, كەلەسى جىلى بۇل كورسەتكىش 100 ملرد تەڭگەگە دەيىن ءوسۋى مۇمكىن.
«بۇل رەتتە, وسى اقىلى جولداردان تۇسكەن قاراجاتتىڭ ءبىر بولىگىن قۇرىلىس جۇمىستارىنا الىنعان قارىزداردىڭ پايىزدىق مولشەرلەمەلەردى وتەۋگە جۇمساۋ ماسەلەسى قاراستىرىلىپ جاتىر. بيۋدجەتكە تۇسەتىن جۇكتەمەنى ازايتۋ ءارى ءوزىن-ءوزى اقتاۋ ماقساتىندا رەكونسترۋكتسيالاۋ جانە جوندەۋ جۇمىستارى اياقتالعان ۋچاسكەلەردە «اقىلى جول» مارتەبەسىن كەزەڭ-كەزەڭىمەن ەنگىزۋ جالعاسىپ جاتىر. قازىرگى ۋاقىتتا بۇكىل ەلىمىز بويىنشا ۇزىندىعى 3,2 مىڭ شاقىرىم اقىلى جول جۇيەسى جۇمىس ىستەيدى», دەدى مارات قاراباەۆ.
سونىمەن قاتار مينيستر جول بويىنداعى قىزمەت كورسەتۋ نىساندارىنىڭ دامۋىنا توقتالدى. قازىرگى تاڭدا ەلىمىزدە 1 446 جول بويى سەرۆيستىك نىساندارى جۇمىس ىستەيدى, ونىڭ 90%-ى ۇلتتىق ستاندارت تالاپتارىنا سايكەس كەلەدى. بيىل بۇل كورسەتكىشتى 100%-عا دەيىن جەتكىزۋ, سونداي-اق 400-دەن استام زاماناۋي قىزمەت كورسەتۋ نىساندارىن سالۋ ءۇشىن ءىرى ينۆەستورلاردى تارتۋ جوسپارلانعان.
«2029 جىلعا دەيىن 60 بىرلىك كەشەندى نىساندار قۇرىلىسى جوسپارلانعان, ونىڭ ىشىندە 10 بىرلىگى وسى جىلى جۇزەگە اسىرىلادى. ينۆەستيتسيا كولەمى 120 ملرد تەڭگە. ولاردا جاتىن ورىن, TIR تۇراعى جانە جانارماي بەكەتتەرى قاراستىرىلعان. جول بويى سەرۆيستىك وبەكتىلەرىن دامىتۋدىڭ نەگىزىندە ەلىمىزدە ءبىرىنشى رەت وتاندىق قوناقۇيلەر جۇيەسى جانە ولاردىڭ فرانشيزاسى قالىپتاساتىن بولادى. بۇل جول بويى وبەكتىلەرىنىڭ تاسىمال پروتسەسىمەن قاتار, ءاۆتوتۋريزمنىڭ دە دامۋىنا سەپتىگىن تيگىزەدى», دەدى مارات قاراباەۆ.
