فوتو: اشىق دەرەككوز
جاڭاوزەن قالاسىنىڭ تۇرعىندارى جەرگىلىكتى باسىلىمداردىڭ بىرىنە حابارلاسىپ, مەكتەپ جاسىنا دەيىنگى 100 بالا تاماقتان ۋلانىپ قالعانىن مالىمدەگەن.
ماڭعىستاۋ وبلىستىق دەنساۋلىق ساقتاۋ باسقارماسى اقپاراتتى ءىشىنارا راستاپ, مەديتسينالىق مەكەمەگە نەبارى 37 ءوتىنىش تۇسكەنىن اتاپ ءوتتى.
«2025 جىلدىڭ 31 قاڭتار كۇنى ساعات 20:13-تە جاڭاوزەن قالاسىنىڭ قىزىلساي اۋىلىنان جەدەل جاردەم قىزمەتىنە ءىش اۋىرۋىنا شاعىمدانعان تۇرعىنداردان شاقىرتۋ كەلىپ ءتۇستى. بارلىعىن جەدەل جاردەم بريگاداسى قاراپ, تەكسەردى. تەكسەرىلگەن 37 ادامنىڭ تورتەۋى اۋرۋحاناعا جاتقىزىلدى (1 ەرەسەك, 3 بالا). قالعاندارى امبۋلاتورلىق ەم الۋعا ۇيلەرىنە جىبەرىلدى. قازىر بالاباقشا جابىلىپ, ۋاكىلەتتى ورگاندار تەكسەرىس جۇرگىزىپ جاتىر», دەلىنگەن حابارلامادا.
ايتا كەتەيىك, بۇعان دەيىن ماڭعىستاۋ وبلىسىنداعى بەسشوقى اۋىلىنداعى اسحانادا مەكتەپ وقۋشىلارى جاپپاي تاماقتان ۋلاندى. بارلىعى 466 وقۋشى زارداپ شەگىپ, ونىڭ 98-ءى اۋرۋحاناعا جاتقىزىلعان ەدى.
