فرتو: primeminister.kz
مينيسترلەر ءوزارا ءىس-قيمىل فورماتتارىن, سونداي-اق ەاەو-نى دامىتۋدىڭ وزەكتى جانە پروبلەمالىق ماسەلەلەرىن تالقىلادى.
ەلدار الىشەروۆ ارىپتەستەرىن ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىن ىسكە اسىرۋ جونىندەگى ءىس-شارالار جوسپارىن ورىنداۋدىڭ الدىن الا قورىتىندىلارى تۋرالى حاباردار ەتتى. ونىڭ ايتۋىنشا, وداق ەلدەرى كوميسسيامەن بىرلەسىپ جوسپارلانعان ءىس-شارالاردىڭ 72%-ىن جۇزەگە اسىردى.
«2025 جىل – وسى ستراتەگيالىق قۇجاتتى ىسكە اسىرۋ بويىنشا قورىتىندى جىل جانە ءبىز ەكونوميكالارىمىزدىڭ يگىلىگى ءۇشىن بارىنشا ناتيجەلەرگە قول جەتكىزەمىز دەپ ۇمىتتەنەمىز», دەپ اتاپ ءوتتى ەەك ءمينيسترى. بەلارۋس رەسپۋبليكاسى ەكونوميكا ءمينيسترىنىڭ ورىنباسارى الەسيا ابرامەنكو بەلارۋستىڭ ەاەو ورگاندارىنداعى توراعالىعى اياسىندا جەمىستى ينتەگراتسيالىق ءوزارا ءىس-قيمىلدى نىعايتۋعا باعىتتالعان الداعى جىلعا ارنالعان قىزمەتتىڭ باسىم باعىتتارىن اتاپ ءوتتى. ولاردىڭ ىشىندە تەحنولوگيالىق الەۋەت پەن يمپورتتى الماستىرۋدى دامىتۋ, ءوزارا ينۆەستيتسيالاردى ىنتالاندىرۋ, «جىكسىز» كولىك كەڭىستىگىن قالىپتاستىرۋ, اوك جەتىلدىرۋ, اتاپ ايتقاندا, سەلەكتسيا جانە تۇقىم شارۋاشىلىعى سالاسىندا, ىشكى نارىقتىڭ قاۋىپسىزدىگىن قامتاماسىز ەتۋ جانە ەلەكتروندىق ساۋدانى دامىتۋدى قوسا العاندا, ەكونوميكانى تسيفرلاندىرۋ.
بۇدان باسقا, وداق تۋرالى شارت كۇشىنە ەنگەن ساتتەن باستاپ ەاەو مەملەكەتتەرىنىڭ الەۋمەتتىك-ەكونوميكالىق دامۋى تۋرالى حالىقتىڭ حاباردار بولۋىن ارتتىرۋ جانە كوميسسيا ەلدەرمەن بىرلەسىپ ءتيىستى اقپاراتتىق ماتەريالداردى دايىنداۋ ماسەلەلەرى قارالدى.
