فوتو: gov.kz
ايدا بالاەۆا ونلاين-پلاتفورمالاردىڭ اكىمشىلەرى مەن الەۋمەتتىك جەلى قولدانۋشىلارىن زاڭعا قايشى اقپاراتتاردى جۇكتەمەۋگە شاقىرىپ, تالاپ بۇزىلعانعان جاعدايدا بۇعاتتاۋ شاراسى قولدانىلاتىنىن ەسكەرتتى. دەسە دە مينيستر ۆەدوموستۆونىڭ ميلليونداعان ازامات جاڭالىقتاردى ونلاين پلاتفورمالاردان الاتىنىن قاپەردە ۇستاپ, پلاتفورمالاردى بۇعاتتاۋ شاراسىنا سيرەك جۇگىنەنتىنىن اتاپ ءوتتى.
«جەلىلىك رەسۋرستاردىڭ اكىمشىلەرى دە ءوز ارەكەتتەرىنىڭ سالدارىن ءتۇسىنىپ, اقپارات تاراتۋدا ەڭ الدىمەن وقىرمان مەن قوعام الدىنداعى جاۋاپكەرشىلىكتى ءجىتى ۇعىنۋعا ءتيىس. ستاتيستيكاعا سۇيەنسەك, 2023 جىلدان 2024 جىلعا دەيىنگى ارالىقتا قازاقستان ينتەرنەت سەگمەنتىندە انىقتالعان زاڭعا قايشى كونتەنت كولەمى ەكى ەسە ءوسىپ, 116 354 ماتەريالعا جەتتى. ەڭ كوپ تارالعان زاڭبۇزۋشىلىقتار قاتارىندا – تەرروريزمدى, ءدىني ەكسترەميزمدى جانە ەسىرتكى قۇرالدارىن ناسيحاتتاۋ, ونلاين-كازينو مەن قارجى پيراميدالارىن جارنامالاۋ بار. وتكەن جىلى ونلاين-پلاتفورمالاردا 78 539 زاڭعا قايشى ماتەريال انىقتالىپ, ونىڭ 24,3%-ى جويىلدى», دەپ جازدى ول.
ۆەدومستۆو باسشىسى ناعىز قۇقىقتىق مەملەكەت قالىپتاستىرۋدىڭ باستى كىلتى سانالاتىن زاڭ مەن ءتارتىپ قاعيداتىن بەرىك ۇستانۋعا ۇندەدى.
