فوتو: polisia.kz
قىلمىستىق توپقا بىرقاتار اۋىر قىلمىس جاسادى دەگەن ايىپ تاعىلىپ وتىر.
«كۇدىكتىلەر قورقىتۋ جانە زورلىق-زومبىلىق جاساپ جەرگىلىكتى تۇرعىننان 5 ملن تەڭگە سوماسىندا قاراجات جانە توۋوتا ماركالى جول تالعامايتىن كولىگىن يەمدەنگەن. تاعى بىردە بانكتىڭ ىرگەلەس اۋماعىنان 6 ملن تەڭگەنى اشىق تۇردە توناپ كەتكەن», دەلىنگەن پوليتسيا حابارلاماسىندا.
قىلمىستىق توپتىڭ بارلىق قاتىسۋشىسى قاماۋعا الىنعان. ولاردىڭ باسقا دا وسىعان ۇقساس قىلمىستىق قۇقىق بۇزۋشىلىقتارعا قاتىستى بار-جوعى انىقتالادى. سوتقا دەيىنگى تەرگەپ-تەكسەرۋ الدىن الا ءسوز بايلاسۋ ارقىلى ادامدار توبى جاساعان بوپسالاۋ جانە توناۋ فاكتىلەرى بويىنشا جۇرگىزىلىپ جاتىر.
