سۋرەتتى تۇسىرگەن – الەكساندر مارچەنكو
فۋتەروۆكا – رەزەڭكەلى-مەتالدى توسەم. اسىرەسە مۇنى تاۋ-كەن بايىتۋ, حيميا ونەركاسىبى ءوز قۇرىلعىلارىنا قولدانادى. كاسىپورىن گەرمانيا, يتاليا, اقش, جاپونيا, يسپانيا وندىرۋشىلەرىنىڭ زاماناۋي جابدىقتارىمەن الەۋەتىن ارتتىرىپ, جوعارى ساپا ستاندارتتارىنا سايكەس ءونىم شىعارادى. سونىمەن قاتار بولات, شويىن, اليۋميني, قولادان جاسالعان بۇيىمدار ءۇشىن كەز كەلگەن كۇردەلىلىكتەگى فرەزەرلىك جۇمىستاردى اتقارادى. بىلتىر زاۋىت ورتالىق ازياداعى جالعىز «Okuma» فرەزەرلىك وڭدەۋ ورتالىعىن ىسكە قوستى. «Okuma» – مەتالل وڭدەۋدىڭ كۇردەلى وپەراتسيالارىن ورىنداۋعا ارنالعان جوعارى تەحنولوگيالىق جابدىق. بۇل جۇيە اۆياتسيا, اۆتوموبيل, ەنەرگەتيكا جانە ماشينا جاساۋ سياقتى ءارتاراپتى سالانىڭ سۇرانىسىن وتەيدى. «Okuma» ستانوكتارى جوعارى گەومەتريالىق دالدىك پەن ء«دىرىلدى» ازايتۋدى قامتاماسىز ەتىپ جاسالعان.
كاسىپورىن سارىارقا ارنايى ەكونوميكالىق اۋماعىندا ورنالاسقان. جالپى اۋدانى 500 گەكتاردان اساتىن بۇل وندىرىستىك القاپتا ينۆەستورلار ءۇشىن لوگيستيكالىق, سالىقتىق جانە كەدەندىك جەڭىلدىكتەر قاراستىرىلعان. مۇنداي مۇمكىندىكتەردى پايدالانۋ ارقىلى «Polymet Solutions Corporation» ءوز ءوندىرىسىن كەڭەيتىپ قانا قويماي, ءوڭىردىڭ ەكونوميكالىق الەۋەتىن ارتتىرىپ وتىر.
– ءبىز ءونىمنىڭ بەرىكتىگى مەن ومىرشەڭدىگىن باستى ورىنعا قويامىز. جوسپارىمىزدىڭ ءبىرى – ەكسپورتتىق نارىقتى كەڭەيتۋ بولسا, ەكىنشىسى – ءونىم تۇرلەرىن ارتتىرۋ. رەزەڭكە مەتالمەن قوسا بيىل شويىن ونىمدەرىن دە شىعارساق دەيمىز. سول سەبەپتى, ەكونوميكالىق اۋماقتان قوسىمشا 10 گەكتار جەر الدىق. قۇرىلىستى جەلتوقسان ايىندا باستادىق, – دەيدى «Polymet Solutions Corporation» جشس باس ديرەكتورى قۋاندىق قازانعاپوۆ.
بۇقار جىراۋ اۋدانىنداعى وسى ءوندىرىس زاۋىتى بيىلدان باستاپ رەزەڭكە مەن پلاستماس بۇيىمدارى تۇرلەرىنىڭ تىزبەسىن ۇلعايتپاقشى. كاسىپورىن قازىردىڭ وزىندە دامۋدىڭ جاڭا ساتىسىنا كوتەرىلگەن. مۇندا نەگىزىنەن كەن بايىتۋ فابريكالارىنا قاجەتتى ديىرمەندەرگە قاپتالاتىن رەزەڭكە جابدىقتار وندىرىلەدى. مۇنسىز ديىرمەن اتاۋلى جۇمىس ىستەمەيدى. ونىمىنە ەلدىڭ تۇپكىر-تۇپكىرىنەن سۇرانىس جوعارى. اسىرەسە «Kazakhmys», «KAZ Minerals», «التىنالماس», «Kazzinc» سەكىلدى كومپانيالار فابريكاسىنداعى ديىرمەندەرگە بۇل ءونىم اۋاداي قاجەت. بىرەگەي ءونىم رەسەيگە دە ەكسپورتتالادى. بيىلدان باستاپ بولگارياعا جونەلتىلەدى دەگەن جوسپار بار. قىرعىزستان, موڭعوليا مەملەكەتتەرىمەن ءتيىستى كەلىسسوز جۇرگىزىلىپ جاتىر.
زاۋىتتىڭ باستى ارتىقشىلىعى – بىلىكتى ماماندار شوعىرى مەن قۋاتتى تەحنولوگيالىق بازا. ءوندىرىستىڭ كەڭەيۋى تەك ءونىم كولەمىنىڭ وسۋىمەن ەسەپتەلمەيدى. جاڭا تەحنولوگيالاردى كادەگە جاراتۋ دا – ماڭىزدى مىندەت. كومپانيانىڭ باس ديرەكتورى قۋاندىق قازانعاپوۆ وسىلاي دەيدى.
وركەن جايعان ءوندىرىس وشاعىندا 75 ادام ەڭبەك ەتىپ ءجۇر. جاڭا تسەح ىسكە قوسىلعان سوڭ تاعى 150 ادام جۇمىسقا قابىلدانادى. زاۋىتتا ەڭبەك ادامىنا الەۋمەتتىك قولداۋ جان-جاقتى كورسەتىلگەن. سىياقىسى دا بار. ارناۋلى تاسىمالداۋ كولىگى مەن تەگىن تۇسكى اس قاراستىرىلعان. ارعى جىلى دا, وتكەن جىلى دا ۇزدىك قىزمەتكەرلەرگە شەتەلگە ساياحاتقا جولداما بەرىلگەن.
ء«ونىم ءوندىرۋ ءۇشىن شيكىزاتتى نەگىزىنەن قىتاي, كورەيا, مالايزيا, ۆەتنام مەملەكەتتەرىنەن الامىز. نەگىزگى شيكىزات ءتۇرى – كاۋچۋك. كاۋچۋكسىز شيكى رەزەڭكە وندىرىلمەيدى. حيميالىق شيكىزات كورشىلەس رەسەيدەن تاسىمالدانادى. قوسىمشا شيكىزات تۇرلەرى ەۋروپا ەلدەرىنەن اكەلىنەدى. مەتالل بۇيىمدارىنا كەلسەك, نەگىزىنەن «Hardox» سىندى ساپالى مەتالل ءتۇرى شۆەتسيا ەلىنەن تاسىمالدانادى. زاۋىت قىزمەتكەرلەرى ستوكگولم قالاسىنا بارىپ, ونداعى ءوندىرىس وشاقتارىمەن تىكەلەي تانىسىپ قايتقان. ول ەلمەن تىعىز قارىم-قاتىناس ورناتىلعان. وزگە كەرەك-جاراق ەل ىشىنەن تابىلادى. وتاندىق شيكىزات كولەمى 70 پايىزدى قۇراپ وتىر. كەن بايىتۋ سالاسىندا جاڭا ديىرمەندەر قولدانىسقا ەنگىزىلدى. وسىعان وراي قاجەتتى رەزەڭكە جابدىعىن دەر كەزىندە شىعارۋ ماڭىزعا يە», دەيدى زاۋىتتىڭ ءوندىرىس جونىندەگى ديرەكتورى گالينا حاراسوۆا.
قاراعاندى وبلىسى
