فوتو: اشىق دەرەككوز
الماتى قالاسىنىڭ پوليتسيا دەپارتامەنتىنىڭ حابارلاۋىنشا, الاياقتار جابىرلەنۋشىنىڭ ءۇي تەلەفونىنا قوڭىراۋ شالىپ, جاقىن ادامىنىڭ اپاتقا ۇشىراعانىن ايتادى. اسىرەسە, مۇنداي حاباردى ەستىگەن زەينەتكەرلەر جاقىندارىن قۇتقارۋ ءۇشىن سوڭعى اقشالارى مەن باعالى زاتتارىن بەرۋگە دايىن تۇرادى.
«ادەتتە, الاياقتىقتىڭ بۇل تۇرىنە بىرنەشە ادام قاتىسادى: ولاردىڭ ءبىرى ءوزىن جابىرلەنۋشىنىڭ ۇلى, قىزى نەمەسە نەمەرەسىمىن دەپ تانىستىرىپ, جازاتايىم وقيعاعا ءوزى كىنالى بولعانىن ايتادى, سودان كەيىن اقشالاي كومەك سۇرايدى. وسى ۋاقىتتا كەلىسسوزدەرگە تاعى ءبىر الاياق قوسىلىپ, ءوزىن قۇقىق قورعاۋ ورگانىنىڭ قىزمەتكەرى رەتىندە تانىستىرىپ, «جاعدايدى شەشۋ ءۇشىن» اقشا تالاپ ەتەدى. پسيحولوگيالىق شابۋىل جاسالىپ, جابىرلەنۋشىلەر اقشا اۋدارۋعا كەلىسىم بەرگەن كەزدە, الاياقتار جەتكىزۋ قىزمەتى ارقىلى تاۋىپ العان كۋرەرلەردى اقشانى الىپ كەلۋگە جىبەرەدى», دەدى الماتى قالالىق پد كيبەرقىلمىسقا قارسى كۇرەس باسقارماسىنىڭ باستىعى انەس قالدىباەۆ.
قالالىق پوليتسيا تۇرعىنداردى قىراعى بولۋعا جانە ماڭىزدى ەرەجەلەردى ساقتاۋعا شاقىرادى.
«اتاپ ايتساق, جەكە مالىمەتتەرىڭىزدى نەمەسە پلاستيكالىق كارتا دەرەكتەرىڭىزدى ەشكىمگە جاريا ەتپەڭىز. سونداي-اق, اۋدارىم تۇبىرتەكتەرى مەن كودتىق حابارلامارلادى ءتىپتى بانك نەمەسە قۇقىق قورعاۋ ورگانىنىڭ قىزمەتكەرىمىن دەيتىن ادامدارعا دا ايتپاڭىز», دەلىنگەن حابارلامادا.
