فوتو: اشىق دەرەككوز
نۇرتورە ءجۇسىپ مەملەكەت باسشىسىنىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىن جىلدىڭ باسىنداعى اسا قاجەت جيىن دەپ اتادى.
«ەلدەگى ەكونوميكالىق جاعداي ساراپقا سالىندى. مەملەكەت باسشىسى ءتۇيىندى سوزىندە ۇكىمەتتىڭ جانە باسقا دا قۇزىرلى ورگانداردىڭ جاقىن اراداعى نەگىزگى مىندەتتەرىنە توقتالدى. ءبىزدىڭ ۇكىمەتكە جەتپەي جاتقان ءبىر ءىس بولسا - وسى. ءار جەر, ءار وڭىردە ناتيجەلى جۇمىس بار. بىراق ماسەلەگە تۇتاس قاراۋ, ورتاق شەشىمدەر قابىلداۋ, مينيسترلىكتەر جۇمىسىن بىرلەسە وتىرىپ ۇيلەستىرۋ جاعى جەتىسپەيدى.مۇنى مەملەكەت باسشىسى قاداپ تۇرىپ ايتتى», دەدى سەنات دەپۋتاتى.
سەناتوردىڭ پىكىرىنشە, سىرتتاي قاراساڭىز ۇكىمەت جاپپاي جۇمىلىپ جۇمىس ىستەپ جاتقان سياقتى. اپتا سايىن ۇكىمەت وتىرىسى وتەدى. پرەمەر-مينيستر تاپسىرما بەرەدى. شاپقىلاپ جۇرگەن ءبىر ادام. ال ناتيجە قانداي؟ بەرىلگەن تاپسىرما ورىندالدى ما؟ ورىندالماسا نەگە ورىندالمادى؟ سۇراۋ جوق سەكىلدى.
«تاپسىرمالار بار. تياناقتى ورىنداۋ جاعى از. سۇراۋ, باقىلاۋعا الۋ, ءوز مىندەتتەرىن دۇرىس اتقارماعانداردى جاۋاپقا تارتۋ جاعى بايقالمايدى. وسى قالىپپەن كەتە بەرسەك, ءبارى ءجاي اشەيىن ءسوز تۇرىندە قالادى. سوندىقتان «بەلبەۋدى بۋعا بەل كەرەك»! جەدەل شەشىم قابىلداۋعا ەر كەرەك! جاۋاپكەرشىلىكتى ءوز موينىنا الا ءبىلۋ دەگەن تالاپ ورنىقسا دەيمىز. وسى ۋاقىتقا دەيىن ەكونوميكانى دامىتۋ ءۇشىن «كلاستەر كەرەك» دەدىك. ودان كەيىن «يننوۆاتسيا كەرەك» دەدىك. سوسىن «يندۋسترياليزاتسيا كەرەك» دەدىك. قانشا ميلليارد قارجى كەتتى سونىڭ بارىنە!جاۋاپ بەرگەن بىرەۋ بار ما؟», دەپ جازدى نۇرتورە ءجۇسىپ.
ۇكىمەتتىڭ كەڭەيتىلگەن وتىرىسىندا پرەزيدەنت مەملەكەتتىك قىزمەتشىلەردىڭ ق ۇلىقسىزدىعى جانە جاۋاپكەرشىلىك الۋدان تايسالۋى كەلىسۋ راسىمدەرى مەن شەشىم قابىلداۋدىڭ تىم ۇزاققا سوزىلۋىنا سەبەپ بولىپ وتىرعاندىعىن اشىق ايتتى.
بۇل رەتتە سەناتور ق ۇلىقسىزدىقتان قالاي قۇتىلامىز؟ جاۋاپسىزدىقتى قالاي رەتتەيمىز؟ دەربەس شەشىم قابىلداۋعا قاشان كوشەمىز؟ ۇكىمەتتىڭ تاعدىرى ەڭ الدىمەن وسى ساۋالدارعا جاۋاپ تابۋىنا تىكەلەي بايلانىستى بولادى-اۋ دەپ تۇيىندەدى.
