فوتو: primeminister.kz
بايانداماشىنىڭ ايتۋىنشا 217 جايلى جانە 200 تىرەك مەكتەپتەن تۇراتىن ۇزدىك ءبىلىم ۇيالارىنىڭ جەلىسى قۇرىلىپ جاتىر. نەگىزگى مىندەت – وزىق تاجىريبەنى تاراتۋ ارقىلى ەلىمىزدىڭ بارلىق جالپى ءبىلىم بەرۋ مەكتەپتەرىندە ءبىلىم ساپاسىن كەزەڭ-كەزەڭمەن تەڭەستىرۋ.
«بيىل 10 جەتەكشى تەحنولوگيالىق كوللەدج قۇرىلاتىن بولادى. ولار باسقا دا كاسىپتىك ءبىلىم بەرۋ ۇيىمدارى ءۇشىن تىرەك رەسۋرستىق ورتالىقتارىنا اينالادى.
بۇگىندە قازاقستاندا شەتەلدىك جوعارى وقۋ ورىندارىنىڭ 23 فيليالى جۇمىس ىستەپ جاتىر, ولاردىڭ 5-ءى وتكەن جىلى اشىلدى. بيىل تاعى 11 فيليال اشامىز», دەدى ولجاس بەكتەنوۆ.
پرەمەر-ءمينيستردىڭ سوزىنشە ۋنيۆەرسيتەتتىك عىلىمدى دامىتۋ جانە ونى كوممەرتسيالاندىرۋ ىسىنە نازار اۋدارىلىپ وتىر. ساتباەۆ ۋنيۆەرسيتەتىندە قازاقمىس كورپوراتسياسىنىڭ تاپسىرىسى بويىنشا تازا سەلەن الۋدىڭ جاڭا ءتاسىلى ازىرلەندى. ول مەديتسينا, ەلەكترونيكا جانە باسقا دا جوعارى تەحنولوگيالىق سالالاردا كەڭىنەن قولدانىلىپ جاتىر.
«NU ۋنيۆەرسيتەتىنىڭ بازاسىندا تىرەك-قيمىل جۇيەسى زاقىمدانعان ادامداردى وڭالتۋعا ارنالعان ەكزوسكەلەتتەر ءوندىرىسى جولعا قويىلدى. قاجەتتى سەرتيفيكاتتاردى العاننان كەيىن ءبىز ءوندىرۋشىنى دەنساۋلىق ساقتاۋ مينيسترلىگى تاراپىنان كەپىلدىك بەرىلگەن تاپسىرىستارمەن قامتاماسىز ەتەمىز», دەدى ۇكىمەت باسشىسى.
