وسىدان ون سەگىز جىل بۇرىن, انىعىراعى 2007 جىلى «سەرت» اق جالعا الۋ ۋچاسكەسىندە 5 قاباتتى پاركينگ سالۋعا كىرىسكەن ەدى. الايدا, 2009 جىلدىڭ اياعىنا قاراي قۇرىلىس-مونتاج جۇمىستارى 1-2 قابات دەڭگەيىندە توقىراپ تۇرىپ قالعان.
ال 2015 جىلى ۋاقىتشا جەر پايدالانۋ قۇقىعى دا توقتاتىلىپ, ىلە-شالا «سەيسموسترويزاششيتا» جشس ماماندارى قۇرىلىس نىسانىنىڭ تىرەك, قورشاۋلارىنا تەكسەرۋ جۇرگىزەدى.
ساراپشىلار نەگىزگى تىرەك كونسترۋكتسيالارىنىڭ تەحنيكالىق احۋالى تۋرالى قورىتىندى جاساپ, زەرتتەۋ قورىتىندىسىنا سايكەس, قولدانىستاعى كونسترۋكتسيالاردى بولشەكتەپ, بۇزۋدى ۇسىنادى.
وسىدان كەيىن باسقارما سوتقا اياقتالماعان نىساندى بۇزۋ جونىندەگى تالاپ-ارىز بەرگەن. سوتتىڭ 2018 جىلعى 25 ساۋىردەگى قاۋلىسىمەن تالاپ-ارىزدار قاناعاتتاندىرىلدى.
اياقتالماعان نىساندى بولشەكتەۋ بۇگىن باستالدى. ايتا كەتۋ كەرەك, بۇل مەدەۋ اۋدانىنداعى بۇزىلىپ جاتقان ەكىنشى نىسان.
سونداي-اق, سوتتىڭ شەشىمى بويىنشا رادلوۆ كوشەسى, 9/1 ۋچاسكەسى بويىنداعى اياقتالماعان عيماراتتى دا ءسۇرۋ باستالدى.
وسى ارادا الماتى اكىمى ەربولات دوساەۆتىڭ قۇرىلىستى باقىلاۋدى كۇشەيتۋ جونىندەگى تاپسىرماسىمەن 2023 جىلدىڭ باسىنان بەرى 65 زاڭسىز نىسان, ونىڭ ىشىندە «مەچتا», KHAN جانە باسقا دا تۇرعىن ءۇي كەشەندەرى تولىعىمەن نەمەسە ءىشىنارا سۇرىلگەنىن ەسكە سالا كەتكەن ءجون.
