فوتو: اشىق دەرەككوزدەن
قالالىق ءماسليحاتتىڭ بۇرىنعى دەپۋتاتى قايرات قۇدايبەرگەن 8 جىلعا سوتتالدى. ول 2022 جىلدىڭ ساۋىرىندە قاڭتار وقيعاسى كەزىندە جاپپاي تارتىپسىزدىكتەردى ۇيىمداستىردى دەگەن كۇدىكپەن ۇستالعان ەدى.
الدىن الا تەرگەۋ بويىنشا ق.قۇدايبەرگەن ا. جۇماگەلديەۆپەن («ديكي ارمان») بىرگە «قازاقستان» قوناق ۇيىندە ادام جيناۋدى ۇيىمداستىرىپ, جۇماگەلديەۆتىڭ اينالاسىنا بىرىگۋگە, ونى قولداۋعا شاقىرعانى ءۇشىن ايىپتالعان. سوتتالۋشى 10 ادامنان «ۇياشىقتار» بويىنشا ءبولىپ, توپ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەنى انىقتالعان.
سودان كەيىن قايرات قۇدايبەرگەن مەن ارمان جۇماگەلديەۆ جيناعان توپ الاڭعا شىعىپ, جۇماگەلديەۆ توڭىرەگىندەگى ميتينگىلەردى بىرىكتىرۋگە, الاڭدا جەدەل شتاب ۇيىمداستىرۋعا جانە بيلىككە بىرىڭعاي تالاپتار قويۋعا تىرىسقان.
ولارعا قاتىستى سوت پروتسەسى 2023 جىلدىڭ قىركۇيەگىندە باستالعان ەدى.
سونداي-اق, قاڭتار وقيعاسىنا بايلانىستى ايىپتالعان ۇقك بەسىنشى دەپارتامەنتىنىڭ بۇرىنعى باسشىسى رۋسلان ىسقاقوۆ 15 جىل 6 ايعا سوتتالىپ, مەملەكەتتىك ناگرادالارىنان ايىرىلدى.
