Sports.kz پورتالى تاراتقان سالىمەتتەرگە سەنسەك, قازاقستان فۋتبول فەدەراتسياسى باس باپكەر قىزمەتىنە ۇمىتكەرلەردىڭ قىسقا ءتىزىمىن دايىنداعان. تىزىمدە چەرچەسوۆتى اۋىستىرا الاتىن شەتەلدىك ماماندار بار.
ايتا كەتەيىك, ونىڭ وتستاۆكاسىنا سەبەپ رەتىندە فەدەراتسيا قۇرىلىمىنداعى وزگەرىستەر اتالادى. مىسالى, 2024 جىلدىڭ جەلتوقسانىندا قازاقستان فۋتبول فەدەراتسياسىنىڭ جاڭا پرەزيدەنتى بولىپ مارات وماروۆ سايلاندى.
بۇعان دەيىن چەرچەسوۆتىڭ باسشىلىعىمەن قازاقستان قۇراماسى ۇلتتار ليگاسىندا التى ويىن وتكىزدى. ناتيجەلەرى كوڭىل كونشىتپەيدى: بەس جەڭىلىس, ءبىر تەڭ ويىن جانە بىردە-ءبىر سوعىلعان گول جوق.
فەدەراتسيا باسشىلىعى ازىرگە رەسمي مالىمدەمە جاساماعانىمەن, باپكەرلىك شتابقا قاتىستى جاعداي كۇردەلى كۇيىندە قالىپ وتىر.
