ماەسترو دەمەتريو كولاچي – الەمنىڭ جەتەكشى ساحنالارىندا ونەر كورسەتكەن, وقىتۋشىلىق قىزمەتپەن اينالىسقان تانىمال ورىنداۋشى-پەداگوگ. ونىڭ شەبەرلىك ساباقتارى الەمنىڭ تۇكپىر-تۇكپىرىنەن كەلگەن مۋزىكالىق وقۋ ورىندارىنىڭ ستۋدەنتتەرى اراسىندا زور سۇرانىسقا يە, ويتكەنى پروفەسسور تەك تەحنيكالىق داعدىلاردى عانا ەمەس, مۋزىكالىق ينتەرپرەتاتسيانى تەرەڭ ءتۇسىنۋدى دە ۇيرەتەدى.
شەبەرلىك ساباعى اكادەميالىق ۆوكالدىڭ قىر-سىرىن جانە ايگىلى وپەرالارداعى باستى پارتيالاردى ورىنداۋدىڭ ەرەكشەلىكتەرىن تالقىلاۋعا ارنالدى. اتالعان ءىس-شارا كونسەرۆاتوريانىڭ ۆوكالدىق ونەر كافەدراسىنىڭ ستۋدەنتتەرى مەن ماگيسترانتتارىنا جانە وقىتۋشىلارىنا ۆوكالدىق تەحنيكا مەن ورىنداۋشىلىق شەبەرلىكتەرىن شىڭداۋعا ارنالعان.
قاتىسۋشىلار داۋىسپەن جۇمىس ىستەۋ, تىنىس الۋدى دۇرىس قويۋ جانە ءان ايتۋ تەحنيكاسىنىڭ ەرەكشەلىكتەرىن الەمدىك دەڭگەيدەگى مامانمەن بىرگە جۇمىس جاساۋ ارقىلى ماشىقتاندى.
ايتا كەتەيىك, ماەسترو قۇرمانعازى اتىنداعى قازاق ۇلتتىق كونسەرۆاتورياسىمەن تابىستى ىنتىماقتاستىق جاساپ كەلەدى. ەسكە سالساق, بىلتىر ۆوكالدىق ونەر كافەدراسىنىڭ ستۋدەنتتەرىمەن ەكى كۇندىك ينتەنسيۆتى ساباقتار وتكىزگەن ەدى.
