Business Insider حابارلاعانداي, باعانىڭ ءوسۋى كوكتەمگى ماۋسىمعا ء(ساۋىر-مامىر) عانا ەمەس, باسقا دا كەزەڭدەرگە اسەر ەتەدى. كۇزگى ماۋسىمدا (قىركۇيەك-قاراشا) ەۆەرەستكە شىعۋ قۇنى ەندى 7 500 دوللار (بۇرىن 5 500 دوللار) بولسا, ال قىسقى ماۋسىمدا (جەلتوقسان - اقپان) ەڭ بيىك شىڭدى باعىندىرۋ 3 750 دوللارعا (بۇرىن 2 750 دوللار) دەيىن ءوستى.
«رۇقسات بەرۋ اقىسى ۇزاق ۋاقىت بويى قايتا قارالماعان. قازىر ونى جاڭارتۋ جولدارىن قاراستىرىپ جاتىرمىز», دەدى نەپالدىڭ تۋريزم دەپارتامەنتىنىڭ باسشىسى.
مەملەكەت قوسىمشا قاراجات بىردەن بىرنەشە ماسەلەنى شەشۋگە جۇمسالاتانىن اتاپ ءوتتى:
- ەلدىڭ كىرىسىن ارتتىرۋ;
- الپينيستەردىڭ قاۋىپسىزدىگىن جاقسارتۋ;
- ەكولوگيالىق پروبلەمالارمەن كۇرەسۋ.
باعانىڭ كوتەرىلۋىنە كوپتەگەن ادامدار وڭ پىكىر ءبىلدىردى. وسى سالاداعى ساراپشىلاردىڭ ايتۋىنشا, قوسىمشا قاراجات قورشاعان ورتانى قورعاۋعا جانە ەۆەرەستتەگى قاۋىپسىزدىكتى جاقسارتۋعا جۇمسالادى.
ايتا كەتەيىك, بۇعان دەيىن الەمدەگى ەڭ بيىك تاۋعا شىعۋ قۇنى 11 مىڭ اقش دوللارى, ياعني 6 ملن تەڭگەنى قۇراعان.
