فوتو: قر زوولوگيا ينستيتۋتى
«قىزىل كىتاپتىڭ» جاڭا باسىلىمىنا 217 جان-جانۋار ەنگىزىلگەن. بۇل جولعى تىزىم جىرتقىش قۇستار مەن قاندالانىڭ كەيبىر تۇرىمەن تولىقتىرىلعان. بەسىنشى باسىلىمعا ەنگەن قاندالانىڭ كەي ءتۇرى ادامعا زياندى ەمەس, كەرىسىنشە تابيعاتتاعى زيانكەستەردى جوياتىن ءتۇرى ەكەن.
وسى باسىلىمعا كەي وسىمدىكتەر مەن جان-جانۋارلاردىڭ جاڭا اتاۋى توپتاستىرىلعان.
ەرەكشە قۇقىقتىق كىتاپتا ەل اۋماعىندا سيرەك كەزدەسەتىن جان-جانۋار, وسىمدىكتەردىڭ مەكەندەيتىن, وسەتىن ورتاسىنىڭ كارتاسى قوسا كورسەتىلىپ, قورعالادى.
«قىزىل كىتاپقا» ەنگەندەردىڭ قاتارىندا اقباس قۇماي مەن قۇماي قۇس بار. قامىس مىسىعى, قارا لاشىن جانە شاياننىڭ ءۇش ءتۇرى دە ەرەكشە قورعاۋعا الىنىپ وتىر. ال سانىنىڭ كوبەيۋىنە بايلانىستى جان-جانۋاردىڭ 19 ءتۇرى تىزىمنەن الىنىپ تاستالعان. ولاردىڭ باسىم بولىگى - جاندىكتەر.
