ۆاليۋتا ساتىلادى

ساتىلاتىن ۆاليۋتا سوماسى ۇلتتىق بانك التىن ساتىپ الۋ ءۇشىن جۇرگىزگەن تەڭگە ەميسسياسىنىڭ كولەمىنە بالامالى بولادى.

«شەتەل ۆاليۋتاسىنداعى ەميس­سيا­نىڭ ءبىر توقساندىق كولەمiنiڭ بالاماسى كەلەسi توقسان iشiندە iشكi ۆاليۋتا نارىعىندا بiركەلكi ساتىلادى. بولجامدى دەرەكتەر بويىنشا, باسىم قۇقىق شەڭبەرىندە 2025 جىلى ساتىپ الىناتىن التىننىڭ جوسپارلى كولەمى 70 توننا نەمەسە التىننىڭ قازىرگى ۋاقىتتاعى باعاسى كەزىندە 6 ملرد دوللار بولادى دەپ باعالانىپ وتىر», دەلىنەدى ۇب ما­لىم­دەمەسىندە.

ۇلتتىق بانككە اففيناجدالعان التىندى مىندەتتى ساتۋ تۋرالى 2011 جىلى ەنگىزىلگەن نورما ەلىمىزدىڭ التىن-ۆاليۋتا رەزەرۆتەرىن تولىق­تىرۋدا جانە التىن ءوندىرۋ سالاسىن دامىتۋدا ماڭىزدى قادام بولا وتىرىپ, ەداۋىر وڭ ناتيجەگە قول جەتكىزۋگە مۇمكىندىك بەردى دەيدى ماماندار.

التىن-ۆاليۋتا رەزەرۆتەرىنىڭ مولشەرى 2024 جىلدىڭ سوڭىنا قاراي تاريحي ەڭ جوعارى كور­سەت­كىش – 45,8 ملرد دوللارعا جەتتى. ەلدە اففيناجدالعان التىن قۇيمالارىن ءوندىرۋ كولەمى ايتار­لىقتاي ۇل­عايدى. بۇل جاڭا كومپانيالارعا حالىقارالىق دەڭ­گەيدە تانىلۋعا مۇمكىندىك بەردى. مىسالى, «تاۋ-كەن التىن» جشس اففيناج زاۋىتى لوندون باعالى مەتالدار نارىعى قاۋىم­داستىعىنىڭ قۇيما ساپاسىنا ءتان حالىقارالىق ستاندارت بويىنشا اككرەديتتەۋدەن ءوتتى.