وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا پاترۋلدىك پوليتسيا باتالونى مەن اۋماقتىق بولىمشەلەردىڭ جەكە قۇرامى جولداردىڭ جاعدايىن ۇنەمى تەكسەرىپ, قار قۇرساۋىندا قالعان جۇرگىزۋشىلەرگە كومەك كورسەتىپ جاتىر.
ۆەدومستۆودا حابارلاعانداي, 21 قاڭتار كۇنى ساعات 13:00-دەگى جاعداي بويىنشا قاراعاندى وبلىسىنىڭ جولدارىندا 1000-نان استام كولىك تىركەلگەن, ونىڭ ىشىندە 527 جەڭىل, 500 جۇك كولىگى جانە 9 قوعامدىق كولىك بار.
«كەشە رەسپۋبليكالىق ماڭىزى بار قاراعاندى-استانا تراسساسى جابىلدى. تەمىرتاۋ تەرمينالى ماڭىندا قاراعاندى-استانا باعىتىندا شامامەن 300 كولىك تۇر. بۇعان دەيىن بۇل جەردە كولىكتەر سانى ودان دا كوپ بولعان, بىراق كەيبىر جۇرگىزۋشىلەر جولدىڭ جابىق بولۋىنا بايلانىستى كەرى قالاعا ورالدى. تاڭەرتەڭ پاترۋلدىك پوليتسيا باتالونىنىڭ قىزمەتكەرلەرى جولداردى تەكسەرىپ قار ۇيىندىلەرىن انىقتادى», دەپ اتاپ ءوتتى قاراعاندى وبلىسى پوليتسيا دەپارتامەنتى پاترۋلدىك پوليتسيا باتالونىنىڭ كومانديرى مەدەت نۇرمۇحانوۆ.
پوليتسيا اۋا رايىنىڭ قولايسىزدىعىنا بايلانىستى جۇرگىزۋشىلەردى الىس جولدارعا شىقپاۋعا شاقىرادى, بۇل توتەنشە جاعدايلاردىڭ الدىن الۋعا كومەكتەسەدى.
