جاساندى ينتەللەكت فوتويلليۋستراتسياسى, gov.kz
قر بالا قۇقىقتارى جونىندەگى ۋاكىلمەن بىرلەسىپ جاسالعان بايلانىس ورتالىعى وتباسى, ايەلدەر مەن بالالاردىڭ قۇقىقتارىن قورعاۋدا قۇقىقتىق, ۇيىمداستىرۋشىلىق جانە پسيحولوگيالىق كومەك كورسەتەدى.
ەندى «111» نومىرىنە قوڭىراۋ شالۋ مۇمكىندىگىنەن باسقا, بالالار مەن ولاردىڭ اتا-انالارى QR-كودتار ارقىلى سۇراۋ جىبەرە الادى. ولار بارلىق ءبىلىم بەرۋ ۇيىمدارىندا, بالالار ءۇشىن قولجەتىمدى ورىنداردا, سونداي-اق اۆتوبۋس ايالدامالارىندا ورنالاسقان.
«بۇرىن بالالار بايلانىس ورتالىعىنا تەلەفون ارقىلى عانا حابارلاسا الاتىن, ال ەندى ولاردىڭ QR-كودتار ارقىلى سۇراۋ جىبەرۋ مۇمكىندىگى بار. بۇل قولداۋعا جۇگىنۋ پروتسەسىن ايتارلىقتاي جەڭىلدەتەدى, ونى نەعۇرلىم ىڭعايلى جانە قولجەتىمدى ەتەدى. QR-كودتار قاجەتتى اقپارات پەن كومەكتى جىلدام جانە ءانونيمدى الۋعا مۇمكىندىك بەرەدى, بۇل بالالاردىڭ ساۋالدارى مەن ماسەلەلەرىنە جەدەل دەن قويۋعا مۇمكىندىك بەرەدى», دەپ اتاپ ءوتتى قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
بىلتىرعى قورىتىندى بويىنشا «111» بايلانىس ورتالىعىنا بالالاردان 1000-عا جۋىق ءوتىنىش كەلىپ تۇسكەن. ولارعا انىقتامالىق اقپارات بەرىلىپ, پسيحولوگيالىق قولداۋ كورسەتىلىپ, مەملەكەتتىك ورگاندارمەن ىنتىماقتاستىقتا ۋاقىتىلى كومەك ۇيىمداستىرىلعان.
ەستەرىڭىزگە سالايىق, 2024 جىلدىڭ شىلدەسىندە مەملەكەت باسشىسى قابىلداعان ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى جونىندەگى زاڭ شەڭبەرىندە «111» بايلانىس ورتالىعىنىڭ قىزمەتى بەكىتىلگەن بولاتىن.
