كەڭەس وتىرىسىنا قارجى ءمينيسترى ءمادي تاكيەۆ, ۇلتتىق بانك توراعاسىنىڭ ورىنباسارى اقىلجان بايماعامبەتوۆ, ۇلتتىق ەكونوميكا ۆيتسە-ءمينيسترى ازامات ءامرين, 20-دان استام ساراپشى, ونىڭ ىشىندە, ءىرى قارجىلىق, ينۆەستيتسيالىق, تالداۋ جانە كونسالتينگتىك ۇيىمداردىڭ, قازاقستان قارجىگەرلەر قاۋىمداستىعى كەڭەسىنىڭ, «اتامەكەن» ۇكپ باسشىلارى قاتىستى.
جيىنعا قاتىسۋشىلار بيۋدجەت تابىستىلىعىن ارتتىرۋ شارالارىن, اتاپ ايتقاندا, جاڭا سالىق كودەكسىن ازىرلەۋ شەڭبەرىندە ۇسىنىلعان جاڭا جانە قازىردىڭ وزىندە ۇسىنىلعان شارالار كەشەنىن تالقىلادى. قاتىسۋشىلاردىڭ كوپشىلىگى كودەكستىڭ جاڭا رەداكتسياسىندا ۇسىنىلىپ وتىرعان بىرقاتار قولدانىستاعى سالىق جەڭىلدىگىن الىپ تاستاۋ, بانكتەر مەن قارجى ۇيىمدارى ءۇشىن كورپوراتيۆتىك تابىس سالىعىنىڭ (كتس) مولشەرلەمەسىن ارتتىرۋ, مەملەكەتتىك باعالى قاعازدار بويىنشا سىياقىلارعا سالىق سالۋدى ەنگىزۋ مەرزىمدەرىن 2030 جىلدان 2026 جىلعا اۋىستىرۋ, ويىن بيزنەسىنە سالىق سالۋدى قايتا قاراۋ جونىندەگى شارالارمەن كەلىستى. اتالعان شارالار جيىنتىعىندا بيۋدجەتكە تۇسەتىن كىرىستەر تابىستىلىعىن 1 ترلن تەڭگەدەن استامعا ارتتىرۋعا ارنالعان.
الايدا, بۇل شارالار شىعىندار مەن بيۋدجەت كىرىستەرى اراسىنداعى قالىپتاسقان الشاقتىقتى جابۋ ءۇشىن جەتكىلىكسىز. كەڭەستە اتاپ وتىلگەندەي, جىل سايىن بيۋدجەتكە تۇسەتىن سالماق ارتىپ كەلەدى, الەۋمەتتىك شىعىندار وسۋدە, ال ەكونوميكانىڭ ناقتى سەكتورىن دامىتۋ بيۋدجەت شىعىستارىنىڭ 10%-ىنان ازىن قۇراپ وتىر. سالىقتىق-بيۋدجەتتىك سالالاردا رەفورمالارسىز جاعدايدى تۇزەۋ مۇمكىن ەمەس.
كەزدەسۋگە قاتىسۋشىلار اقشا-نەسيە جانە فيسكالدىق ساياسات اراسىنداعى تەڭگەرىمسىزدىكتى تەڭەستىرۋ ءارى سالىق سالۋ جۇيەسىنىڭ تيىمدىلىگىن ارتتىرۋ بويىنشا ءوز پىكىرلەرى مەن ۇسىنىستارىن ورتاعا سالدى.
2025 جىل قازاقستان ءۇشىن وڭاي بولمايدى. ءبىز وتكەن جىلدارداعى كەيىنگە قالدىرىلعان ۇزاق ۋاقىتقا سوزىلعان رەفورمالاردى قابىلداۋعا ءماجبۇر بولامىز. بۇل – مەملەكەت ءوزىنىڭ الەۋمەتتىك مىندەتتەمەلەرىن ورىنداۋدى جالعاستىرا الاتىنداي باعانى نارىقتىق جاعدايعا كەلتىرۋ. وكىنىشكە قاراي, قازىر سالىقتارعا قاتىستى جاعدايدى تۇزەتۋ, ولاردى اكىمشىلەندىرۋدى جاقسارتۋ, ءتىپتى كەيبىر جاعدايلاردا مولشەرلەمەلەردى قايتا قاراۋ ءۇشىن بىرقاتار تانىمال ەمەس رەفورمالاردى قابىلداۋىمىز كەرەك. ەڭ باستىسى, مۇنى ۇلتتىق قوردى ساقتاۋ ءۇشىن ەمەس, ەكونوميكانىڭ نارىقتىق ەكونوميكاعا اينالۋى ءۇشىن جاساۋىمىز كەرەك. جاڭا سالىق كودەكسى, بۇگىن ءبىز تالقىلاعان ۇسىنىستاردىڭ كەيبىرى كوپ ۇزاماي كوپشىلىكتىڭ يگىلىگىنە اينالادى. مەن بارلىعىن ءوز پىكىرىن ايتۋعا شاقىرامىن», دەدى «NAC Analytica» كق» (NU) باسقارما توراعاسى راسۋل رىسمامبەتوۆ.
«بۇگىن ءبىز قر ۇلتتىق ەكونوميكا مينيسترلىگىمەن دايىندالىپ جاتقان جاڭا سالىق كودەكسى تۋرالى اڭگىمە قوزعادىق. ءسوز ۇسىنىلىپ جاتقان كوپتەگەن وزگەرىستەر تۋراسىندا بولدى. سول سەبەپتى قازىر قاراستىرىلىپ جاتقان سالىق كودەكسى ەڭ الدىمەن ەلىمىزدىڭ بولاشاعى ءۇشىن وتە ماڭىزدى. ارينە, سالىقتىق اكىمشىلەندىرۋدى جاقسارتۋ, سالىق مولشەرلەمەسىن كوتەرۋ نەمەسە ازايتۋ سىندى كوپتەگەن ۇسىنىستار بار. وسى ورايدا بىزگە حالقىمىزدىڭ بولاشاعىن جاقسارتۋعا ۇلەس قوساتىن شەشىمدەر قاجەت. بۇگىنگىدەي كەزدەسۋلەردىڭ ماڭىزدىلىعى دا وسىندا جاتىر», دەپ اتاپ ءوتتى ەكونوميست عالىمجان ايتقازين.
