«كوكشەتاۋ» مەملەكەتتىك ۇلتتىق تابيعي پاركىنىڭ ۇجىمى جازدا 282 توننا ءشوپ, 256 294 دانا بۇتا بۋماسىن, 349,6 توننا جەم, 12,51 توننا تۇز دايىنداعان بولاتىن. پارك اۋماعىنداعى الاڭقايلاردى قار باسىپ, قىستىڭ باسىندا قار ارالاس جاڭبىر جاۋىپ, تابيعي قورەكتى تابۋ قيىنعا اينالعان تۇستا تىرنەكتەپ جيناعان قور قاجەتكە جارادى. قاراشانىڭ 15-ىنەن باستاپ پارك اۋماعىنداعى بۇعى, مارال, ەلىك, تەڭبىل بۇعى, ءسىبىر ەلىگى ءتارىزدى اڭدار قورەكتەندىرىلە باستادى. پارك ۇجىمى جاز بويى جيناعان جەم-ءشوپ قورى كوگەرىپ كوكتەم شىققانشا ابدەن جەتەدى.
– جىل سايىن وسىنداي شارۋا اتقارامىز, – دەيدى پاركتىڭ باس ديرەكتورى ەربول ساعديەۆ. – بىلتىرعى قيىن قىستان دا شىعىنسىز, امان شىقتىق. بيىل ماي توڭعىسىز, جىلى بولىپ تۇر. سوندا دا الدىن الا جاسالعان ەسەپ بويىنشا وتتىقتار ازىرلەنىپ, قوسىمشا ازىق بەرىلە باستادى. دالاعا كورىك بەرىپ تۇرعان اڭ-قۇسقا اباي بولۋ – پارىزىمىز.
اڭمەن قاتار قۇستارعا دا جەم بەرىلەدى. پارك اۋماعىنداعى سيرەك كەزدەسەتىن قۇستار ادامدار شاشقان ازىقتان ناپاقا تاۋىپ, جادىراعان جاز ايىنداعى قىزىعى مول قۇس بازارىنىڭ ەلەسىن ەسكە سالىپ ءجۇر.
اقمولا وبلىسى
