مەملەكەت باسشىسىنىڭ باستاماسىمەن وتكەن جىلدان باستاپ جۇزەگە اسىرىلا باستاعان «تازا قازاقستان» باعدارلاماسىنا اۋدان جاستارى دا بەلسەندى قاتىسىپ كەلەدى. ولار قوعامدىق ورىنداردى قوقىستان تازالاپ, ارداگەرلەردىڭ اۋلاسىن جيناۋعا كومەكتەسەدى, اعاشتار وتىرعىزادى. ەكولوگيالىق مادەنيەت قالىپتاستىرۋدىڭ ۇلگىسى بولعان باعدارلاما اياسىندا اۋدان مەكتەپتەرىندە دە «ەكولوگيا بالالار كوزىمەن» تاقىرىبىندا سۋرەت بايقاۋى ءوتىپ, ۇزدىك جۇمىستار مەكتەپ كورمەلەرىنە قويىلدى.
ال جالاعاش اۋدانى تۇرعىندارى ء«بىز – تازا ايماق ءۇشىن» باستاماسىمەن ورتالىق الاڭ مەن «تاعزىم» اللەياسىن تازارتۋعا كىرىستى. اۋدانداعى جاستار رەسۋرستىق ورتالىعىنىڭ بەلسەندىلەرى «ارداگەرلەردى ارداقتايىق» كەزەكتى اكتسياسىن ۇيىمداستىردى.
«تازا قازاقستان» ەكولوگيالىق ءىس-شاراسىنا باستالعاننان بەرى وبلىستىڭ 730 000-عا جۋىق تۇرعىنى قاتىستى. ولار 27 000 توننادان استام قوقىس شىعارىپ, 505 سكۆەر مەن ساياباق, 225 تاريحي مادەنيەت ەسكەرتكىش اۋماعى, 791 الەۋمەتتىك نىسان, 4596 ونەركاسىپ جانە بيزنەس نىسانى, 322 سۋ نىسانى, 47 451 اۋلا مەن كوشە تازارتىلدى.
