سۋرەتتى تۇسىرگەن – جانگەلدى ابدىعالىم
وبلىس كاسىپورىندارى وندىرگەن تاماق ونىمدەرىنىڭ كولەمى 2,5%-عا ارتىپ, 164 ملرد تەڭگە تابىسقا شىققان. ەت ءونىمى – 26,8%, قۇس ەتى – 25,1%, ۇن ءوندىرىسى 19,9%-عا ءوستى. قايتا وڭدەلگەن ءونىم ەكسپورتى – 79 مىڭ توننا. بۇل كورسەتكىشتىڭ بارلىعى 2023 جىلعى كولەمنەن 17,7%-عا ارتىق. قۋاتتىلىعى 240 توننا بولاتىن ەلەۆاتور جانە قۇراما جەم زاۋىتىن جاڭعىرتۋ جوبالارىنىڭ دا جۇزەگە اسىرىلعانىن قۋانا حابارلايمىز.
«اۋىل اماناتى» شەڭبەرىندە بىلتىر 4,4 ملرد تەڭگە سوماسىنا 483 شاعىن نەسيە بەرىلدى. بۇل نەسيەلەردىڭ جارتىسى مال شارۋاشىلىعىن دامىتۋعا, ەكىنشى بولىگى اۋىل تۇرعىندارىنىڭ بيزنەس-جوباسىن قارجىلاندىرۋعا جۇمسالدى. 639 جۇمىس ورنى اشىلدى», دەيدى وبلىستىق اۋىل شارۋاشىلىعى باسقارماسىنىڭ باسشىسى سايات مۋسين.
«باعدارلاما بويىنشا وبلىس ءۇشىن رەسپۋبليكالىق بيۋدجەتتەن جوسپارلانعان 7 ملرد تەڭگەنىڭ 2,5 ملرد تەڭگەسى سۋبسيديالاندى. 885,8 ملن تەڭگە سوماسىنا 74 جوبا ماقۇلدانىپ, جالپى سوماسى 676,5 ملن تەڭگەگە, ونىڭ ىشىندە 214,5 ملن تەڭگە – 36 جوبانى ىسكە اسىرۋ ءۇشىن جەكە قوسالقى شارۋاشىلىقتارعا جانە 462 ملن تەڭگە – 19 جوبانى ىسكە اسىرۋعا اۋىلدىق تۇتىنۋ كووپەراتيۆتەرىنە 55 نەسيە بەرىلدى. بارلىعى 72 جۇمىس ورنى قۇرىلدى», دەيدى باسقارما باسشىسى.
مۇنداي قولداۋ كورگەن ىرگەلى كاسىپورىندار جەتىپ ارتىلادى. نەمىس تەحنولوگياسىمەن ايىنا 30 توننا قىمىز وندىرەتىن «سارىتەرەك SAQ NS» تسەحى, «مادي-اگرو 7» اۋىلشارۋاشىلىعى كووپەراتيۆى ءونىم كولەمىن جىل سايىن ۇلعايتىپ وتىر. «Qarmet» كومپانياسىنا بىلتىر 100 مىڭ توننا ەت وتكىزگەن ولار بيىل دا سول مەجەگە جەتپەكشى. قازىردىڭ وزىندە 110 ملن تەڭگەگە ەت ساۋدالاعان.
ينۆەستيتسيانىڭ دا يگىلىگى مول. بيىل 23,1 ملرد تەڭگە تارتىلعان. اۋىل شارۋاشىلىعىنا – 20,3 ملرد تەڭگە, تاماق ونىمدەرىنە – 2,8 ملرد تەڭگە. جوسپارلانعان 30 ينۆەستيتسيالىق جوباعا – 23 ملرد تەڭگە, 22 جوباعا 15 ملرد جۇمسالدى. ناتيجەسىندە 816 جۇمىس ورنى اشىلىپ, 60 اۋىل شارۋاشىلىعى كووپەراتيۆى قۇرىلدى.
«مەملەكەتتىك قولداۋ شارالارى شەڭبەرىندە سۋبسيديا رەتىندە 22,8 ملرد تەڭگە سوماسىنا قاراجات كوزدەلگەن. ونىڭ ىشىندە وسىمدىك شارۋاشىلىعى سالاسىندا – 4,8 ملرد تەڭگە, مال شارۋاشىلىعى سالاسىندا – 6,2 ملرد تەڭگە جانە قارجى قۇرالدارىنا 11,8 ملرد تەڭگە يگەرىلدى. 22,3 ملرد تەڭگە سوماسىنا 2 491 اۋىل شارۋاشىلىعى تاۋارىن وندىرۋشىلەرىنە سۋبسيديا تولەندى. ول مال مەن وسىمدىك شارۋاشىلىعىنا, ينۆەستيتسيالىق سالىمدار كەزىندە اگروونەركاسىپتىك كەشەن سۋبەكتىسى شەككەن شىعىستاردىڭ ءبىر بولىگىن وتەۋگە, كرەديتتەۋگە جۇمسالدى. سونداي-اق تەحنولوگيالىق جابدىق پەن اۋىل شارۋاشىلىعى تەحنيكاسىنىڭ ليزينگى كەزىندە سىياقى مولشەرلەمەسى بويىنشا شىعىنداردى ازايتۋعا, قايتا وڭدەۋ كاسىپورىندارىنىڭ شىعىندارىن وتەۋگە بەرىلدى», دەيدى باسقارما باسشىسى.
كەلەر جىلى دا ايماق شارۋالارى تابىستى ارتتىرامىز دەپ وتىر. جالپى ءونىم ءوندىرۋ كولەمىن 601,0 ملرد تەڭگەگە دەيىن, ونىڭ ىشىندە وسىمدىك شارۋاشىلىعى سالاسىنداعى ىرىستى 372,6 ملرد تەڭگەگە, مال شارۋاشىلىعى سالاسىنداعى تابىستى 228,4 ملرد تەڭگەگە جەتكىزەمىز دەپ جوسپارلاپ وتىر. ەت ءوندىرىسىنىڭ كولەمىن – 101 مىڭ تونناعا, ءسۇتتى – 225 مىڭ تونناعا, جۇمىرتقانى 718,4 ملن-عا جەتكىزبەكشى. ءداندى داقىلداردى 869,3 مىڭ تونناعا تاياتپاق. ياعني 415,3 مىڭ توننا كارتوپ, 73,7 مىڭ توننا كوكونىس وندىرەدى. بۇل – نەگىزگى مەجە. جەر ىرىسىن بەرسە, رەكورد جاڭارۋى مۇمكىن.
قاراعاندى وبلىسى
