«قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ حالىق اسپاپتار ءانسامبلىنىڭ مۇشەسى الىبەك قايىربەك افريكانىڭ ەڭ بيىك شىڭى – كيليماندجارو تاۋىندا قازاقتىڭ قاسيەتتى دومبىراسىن اۋەلەتتى. بۇل – ۇلتتىق ونەرىمىزدىڭ ەرەكشە ءۇنىن تاۋ شىڭىندا تانىتقان بىرەگەي ءسات. الىبەك قايىربەكتى وسى جەتىستىگىمەن بارشا تەاتر ۇجىمى اتىنان شىن جۇرەكتەن قۇتتىقتايمىز!», دەلىنگەن حابارلامادا.
ەكسپەديتسيا 2025 جىلدىڭ 6-11 قاڭتارى ارالىعىندا ءوتتى, ال الىبەك ۋحۋرۋ شىڭىنا 11 قاڭتار كۇنى تاڭەرتەڭ بارعان.
ايتا كەتەيىك, بۇل الىبەكتىڭ ءبىرىنشى جەتىستىگى ەمەس. 2024 جىلدىڭ تامىز ايىندا ول ەۋروپاداعى ەڭ بيىك تاۋ ەلبرۋس شىڭىندا كۇي ورىنداعان. قازاقستاندىق «الەمنىڭ جەتى شىڭىنىڭ» بارلىعىن باعىندىرىپ, ارقايسىسىندا قازاق كۇيلەرىن ورىنداپ, ۇلتتىق مادەنيەتتىڭ بايلىعىن الەمگە پاش ەتۋدى الدىنا ماقسات ەتىپ قويعان.
«مەن ەلبرۋس پەن كيليماندجارونى باعىندىردىم. ەندى قاي شىڭعا شىعۋ كەرەكتىگىن انىقتاۋ ءۇشىن تاۋ گيدتەرىمەن اقىلداسىپ جاتىرمىن», دەدى ول ءوز جوسپارلارىمەن ءبولىسىپ.
الىبەك اتاپ وتكەندەي, «الەمنىڭ جەتى شىڭىنا» كەلەسى تاۋلار جاتادى:
- ەلبرۋس (5642 مەتر, ەۋروپا);
- كيليماندجارو (5895 م, افريكا);
- دەنالي (6190 مەتر, سولتۇستىك امەريكا);
- اكونكاگۋا (6961 مەتر, وڭتۇستىك امەريكا);
- ۆينسون (4892 مەتر, انتاركتيدا);
- كوستيۋشكو (2228 مەتر, اۆستراليا) نەمەسە پۋنچاك دجايا (4884 مەتر, وكەانيا);
- ەۆەرەست (8849 مەتر, ازيا).
